माजी सॉलिसिटर जनरल हरीश साळवे यांचं 68 व्या वर्षी तिसरं लग्न; भडकला अभिनेता, म्हणाला ‘मुस्लिमांना बदनाम..’

नवी दिल्ली | 4 सप्टेंबर 2023 : देशाचे माजी सॉलिसिटर जनरल आणि सर्वांत महागड्या वकिलांपैकी एक असलेले हरीश साळवे यांनी वयाच्या 68 व्या वर्षी तिसरं लग्न केलं. ब्रिटीश मूळच्या त्रिना नावाच्या महिलेशी त्यांचं हे लग्न नुकतंच पार पडलं. या लग्नाला नीता अंबानी, ललित मोदी आणि उज्ज्वला राऊत यांच्यासह अनेक दिग्गजांनी हजेरी लावली होती. हरीश साळवे त्यांच्या या तिसऱ्या लग्नामुळे सोशल मीडियावर चर्चेत आले आहेत. यादरम्यान एका बॉलिवूड अभिनेत्याचं ट्विट चर्चेत आलं आहे. हरीश साळवे यांच्या लग्नावरून अभिनेत्याने ट्विट केलं आहे. हे ट्विट सोशल मीडियावर चांगलंच व्हायरल होत आहे.

हरीश साळवे यांच्या तिसऱ्या लग्नावरून अभिनेत्याचं ट्विट

हरीश साळवे यांच्या लग्नाचा व्हिडीओ शेअर करत संबंधित अभिनेत्याने लिहिलं, ‘मुस्लिमांना बदनाम केलं जातं. ही लोकं खरी मजा घेतात. वकील हरीश साळवे यांनी तिसरं लग्न केलंय.’ हे ट्विट करणारा अभिनेता दुसरा-तिसरा कोणी नसून स्वयंघोषित चित्रपट समीक्षक कमार आर. खान ऊर्फ केआरके आहे. या ट्विटवर नेटकऱ्यांकडून विविध प्रतिक्रिया येत आहेत. ‘लपूनछपून गर्लफ्रेंड ठेवण्यापेक्षा लग्न करणं काय वाईट आहे? साळवे यांनी योग्यच केलं’, असं एकाने लिहिलं. तर ‘मुस्लिमांना बदनाम करण्यासाठी त्यांचं नाव असणंही गरजेचं आहे’, असा उपरोधिक टोला दुसऱ्या युजरने लगावला.

हरीश साळवे यांचं लग्न

हरीश साळवे यांनी मीनाक्षी यांच्याशी पहिलं लग्न केलं होतं. या दोघांचा संसार तब्बल 38 वर्षे चालला होता. 2020 मध्ये हे दोघं विभक्त झाले. हरीश आणि मीनाक्षी यांना दोन मुली आहेत. मीनाक्षी यांना घटस्फोट दिल्यानंतर काही महिन्यांनी त्यांनी ब्रिटिश कलाकार कॅरोलीनशी दुसरं लग्न केलं. ऑक्टोबर 2020 मध्ये दोघांनी लग्नगाठ बांधली.

महत्त्वपूर्ण खटले

हरीश साळवे हे बऱ्याच हाय-प्रोफाइल केसेसचा भाग होते. सलमान खानला काळवीट शिकारप्रकरणी तीन दिवसांत अंतिम जामिन मिळवून देणारे वकील हरीश साळवेच होते. याशिवाय त्यांनी सलमान खानच्या हिट अँड रन खटल्यातही महत्त्वपूर्ण भूमिका बजावली होती. इतकंच नव्हे तर पाकिस्तानमध्ये मृत्यूची शिक्षा सुनावलेल्या कुलभूषण जाधव यांचाही खटला हरीश साळवे यांनी लढवला होता. यासाठी त्यांनी भारत सरकारकडून फक्त एक रुपये फी घेतली होती.