अखेर नाट्यावर पडदा, नाट्य संमेलनाच्या अध्यक्षपदी डॉ जब्बार पटेल

मुंबई : शंभराव्या अखिल भारतीय मराठी नाट्य संमेलनाच्या अध्यक्षपदी डॉ. जब्बार पटेल यांची निवड करण्यात आली (Akhil Bharatiya Marathi Natya Sammelan jabbar patel) आहे. नाट्यपरिषदेचे अध्यक्ष प्रसाद कांबळी यांच्याकडून जब्बार पटेल यांच्या नावाची घोषणा केली. गेल्या काही दिवसांपासून मोहन जोशी आणि जब्बार पटेल यांच्यात अध्यक्षपदासाठी चुरस पाहायला मिळत होती. मात्र अखेर आज (15 डिसेंबर) डॉ. जब्बार पटेल यांची एकमताने निवड करण्यात आली (Akhil Bharatiya Marathi Natya Sammelan jabbar patel) आहे.

गेल्या काही दिवसांपासून मराठी नाट्य संमेलनाच्या अध्यक्षपदासाठी मोहन जोशी आणि जब्बार पटेल यांच्यात चुरस होती. यावरुन दोन गटही तयार झाले होते. एवढंच काय तर या दोघांना मतदान करण्यासाठी समर्थकांचे फोनाफोनी आणि संपर्क अभियान सुरु असल्याची चर्चा नाट्यक्षेत्रात वेगाने पसरु लागली होती. त्यातच कार्यकारिणीने आधीच नाव जाहीर केल्यामुळे नियामक मंडळ नाराज होतं. त्यामुळे आगामी नाट्यसंमेलन अध्यक्षपदासाठी निवडणुकीचे नाट्य रंगणार असं चित्र तयार झालं होतं.

आता मात्र या संपूर्ण वादावरुन पडदा पडला आहे.  शंभराव्या अखिल भारतीय नाट्य संमेलनाच्या अध्यक्षपदी डॉ. जब्बार पटेल यांच्या नावाची निवड झाली आहे. नाट्य परिषदेचे अध्यक्ष प्रसाद कांबळी यांच्याकडून जब्बार पटेल यांचे नाव जाहीर करण्यात (Akhil Bharatiya Marathi Natya Sammelan jabbar patel) आले.

दरम्यान, हिंदी आणि मराठीतील डॉ.जब्बार पटेल हे मोठं नावं आहे. त्यांची नाट्यसंमेलनाध्यक्षपदी निवड झाल्यामुळे रंगकर्मींनी त्यांना शुभेच्छा दिल्या (Akhil Bharatiya Marathi Natya Sammelan jabbar patel) आहेत.

डॉ. जब्बार पटेल यांनी अनेक नाटक आणि चित्रपट दिग्दर्शित केले. त्यात ‘जैत रे जैत’, ‘मुक्ता’, ‘सामना’, ‘सिंहासन’, ‘एक होता विदूषक’ यांसारख्या दर्जेदार चित्रपटांचा समावेश आहे. तसेच, संविधानाचे शिल्पकार ‘डॉ. बाबासाहेब आंबेडकर’ यांचाही प्रवास त्यांनी दिग्दर्शित केला आहे. प्रायोगिक नाट्य चळवळीसाठी त्यांनी थिएटर अकादमी ही संस्थाही स्थापन केली आहे.