SRH vs LSG : आयुष बदोनी-निकोलस पूरनची शानदार बॅटिंग, हैदराबादसमोर 166 धावांचं आव्हान
Sunrisers Hyderabad vs Lucknow Super Giants 1st Innings Highlights In Marathi : अनकॅप्ड आयुष बदोनी याने लखनऊसाठी निर्णायक अर्धशतकी खेळी केली. तर निकोलस पूरनने आयुषला चांगली साथ दिली.
आयुष बदोनी आणि निकोलस पूरन या दोघांनी पाचव्या विकेटसाठी केलल्या नाबाद निर्णायक भागीदारीच्या जोरावर लखनऊ सुपर जायंट्सने सनरायजर्स हैदराबादला विजयासाठी 166 धावांचं सन्मानजनक आव्हान दिलं आहे. आयपीएलच्या 17 व्या मोसमातील 57 व्या सामन्यात लखनऊने 20 ओव्हरमध्ये 4 विकेट्स गमावून 165 धावा केल्या. टॉस जिंकून बॅटिंगचा निर्णय घेणाऱ्या लखनऊची निराशाजनक सुरुवात राहिली. लखनऊला पावरप्लेमध्ये 2 विकेट्स गमावून फक्त 27 धावाच करता आल्या. त्यानंतर 2 विकेट्स या ठराविक अंतराने गमावल्या. मात्र त्यानंतर निकोलस पूरन आणि आयुष बदोनी या दोघांनी केलेल्या भागीदारीमुळे लखनऊला 150 पार पोहचता आलं.
लखनऊची बॅटिंग
क्विंटन डी कॉक 5 बॉलमध्ये 2 धावा करुन माघारी परतला. त्यानंतर मार्क्स स्टोयनिसने 3 धावा करुन मैदानाबाहेरचा रस्ता धरला. त्यानंतर कॅप्टन केएल राहुल आणि कृणाल पंड्या या दोघांनी डाव सावरण्याचा प्रयत्न केला. मात्र तो प्रयत्न काही वेळेसाठीच यशस्वी ठरला. हैदराबादचा कॅप्टन पॅट कमिन्सने टी नटराजन याच्या हाती केएलला 29 धावांवर कॅच आऊट केल. त्यानंतर कृणाल पंडया 24 धावांवर रन आऊट झाला. पॅट कमिन्सच्या अचूक थ्रोमुळे कृणालला मैदानाबाहेर जावं लागलं.
कृणाल पंड्या आऊट झाल्याने लखनऊची स्थिती 11.2 ओव्हरमध्ये 4 बाद 66 अशी झाली. त्यानंतर निकोलस पूरन आणि आयुष बदोनी या जोडीने लखनऊची जबाबदारी आपल्या खांद्यावर घेतली. या दोघांनी पाचव्या विकेटसाठी 55 बॉलमध्ये नाबाद 99 धावांची भागीदारी केली. या दोघांच्या भागीदारीमुळे लखनऊला 20 ओव्हरमध्ये 165 पर्यंत मजल मारता आली. निकोलस पूरन याने 30 बॉलमध्ये 9 चौकारांच्या मदतीने नाबाद 55 धावा केल्या. तर निकोलसने 26 बॉलमध्ये 6 फोर आणि 1 सिक्ससह नॉट आऊट 48 रन्स केल्या. हैदराबादकडून भुवनेश्वर कुमार याने सर्वाधिक 2 विकेट्स घेतल्या. तर पॅटच्या खात्यात 1 विकेट गेली.
हैदराबादसमोर 166 धावांचं आव्हान
Innings Break!
A crucial 5️⃣th wicket partnership help #LSG set a target of 1️⃣6️⃣6️⃣ 🎯
Will it be enough for the home side? 🤔
An important second innings next ⌛️
Scorecard ▶️ https://t.co/46Rn0QwHfi#TATAIPL | #SRHvLSG pic.twitter.com/z6ItYC48pd
— IndianPremierLeague (@IPL) May 8, 2024
लखनऊ सुपर जायंट्स प्लेइंग इलेव्हन : केएल राहुल (कॅप्टन आणि विकेटकीपर), क्विंटन डी कॉक, मार्कस स्टॉइनिस, निकोलस पूरन, आयुष बडोनी, दीपक हुडा, कृणाल पंड्या, कृष्णप्पा गौथम, यश ठाकूर, रवी बिश्नोई आणि नवीन-उल-हक.
सनरायझर्स हैदराबाद प्लेइंग ईलेव्हन : पॅट कमिन्स (कर्णधार), ट्रॅव्हिस हेड, नितीश रेड्डी, हेनरिक क्लासेन (विकेटकीपर), अब्दुल समद, शाहबाज अहमद, सनवीर सिंग, भुवनेश्वर कुमार, जयदेव उनाडकट, विजयकांत व्यासकांत आणि टी नटराजन.