Bob Biswas Review : ‘सुपारी किलर’च्या भूमिकेत अभिषेक बच्चनचा दमदार अभिनय, वाचा कसा आहे ‘बॉब बिस्वास’…
बॉलिवूड अभिनेता अभिषेक बच्चन (Abhishek Bachchan) आणि अभिनेत्री चित्रागंदा सिंह (Chitrangada Singh) स्टारर चित्रपट ‘बॉब बिस्वास’ (Bob Biswas) दीर्घकाळ चर्चेनंतर ओटीटी प्लॅटफॉर्म झी5वर प्रदर्शित झाला आहे. जाणून घेऊया, कसा आहे अभिषेक बच्चनचा नवा चित्रपट...
मुंबई : बॉलिवूड अभिनेता अभिषेक बच्चन (Abhishek Bachchan) आणि अभिनेत्री चित्रागंदा सिंह (Chitrangada Singh) स्टारर चित्रपट ‘बॉब बिस्वास’ (Bob Biswas) दीर्घकाळ चर्चेनंतर ओटीटी प्लॅटफॉर्म झी5वर प्रदर्शित झाला आहे. जाणून घेऊया, कसा आहे अभिषेक बच्चनचा नवा चित्रपट…
चित्रपटाची कथा
सुजॉय घोष दिग्दर्शित ‘बॉब बिस्वास’ या व्यक्तिरेखेचा जन्म त्याच्या 2012 मध्ये आलेल्या ‘कहानी’ चित्रपटातील मुख्य व्यक्तिरेखेतून झाला होता. ‘कहानी’ चित्रपटात अभिनेता शाश्वत चॅटर्जी ‘बॉब’च्या भूमिकेत दिसला होता, पण यावेळी सुजॉय घोषने या व्यक्तिरेखेमागील कथा समोर आणली आहे.
या चित्रपटाची कथा बंगाली बाबू ‘बॉब बिस्वास’ म्हणजेच अभिषेक बच्चन याच्या स्मृती गमावण्यापासून सुरू होते. त्याला पत्नी मेरी म्हणजेच चित्रांगदा आणि मुले देखील आहेत. स्मरणशक्ती कमी झाल्यामुळे तो आपले जुने आयुष्य शोधण्याचा प्रयत्न करत असतो. अशावेळी त्याला जीवे अनेकदा मारण्याच्या धमक्या मिळतात. त्याच वेळी, बॉब काही ड्रग्ज माफियांच्या संपर्कात देखील येतो. अशा परिस्थितीत बॉब सर्वकाही विसरून गोंधळून जातो आणि त्यामुळे अनेकांचे जीव धोक्यात येतात.
अभिषेक बच्चनचा उत्कृष्ट अभिनय
अभिषेक बच्चनच्या अभिनयाबद्दल बोलायचे, तर त्याने त्याच्या पात्राला न्याय दिला आहे. बॉबच्या चेहऱ्यावर जी निरागसता आणावी लागली, ती अभिषेकने चांगली साकारली आहे. सिरियल किलरची व्यक्तिरेखा त्याने पडद्यावर उत्तमरित्या साकारली आहे. ‘बॉब बिस्वास’ हा चित्रपट पूर्णपणे अभिषेक बच्चनचा चित्रपट आहे. पण, कुठेतरी लेखक सुजॉय घोष आणि दिग्दर्शक दिया अन्नपूर्णा घोष यांनी या पात्राला पूर्णपणे न्याय दिला नाही, असे वाटते.
चित्रांगदा सिंहचा अभिनयही वाखाणण्याजोगा!
अभिषेकच्या भूमिकेत आणखी प्रयोग करता आले असते. मात्र, चित्रांगदा सिंहने उत्तम तोल सांभाळून काम केले आहे. नेहमीप्रमाणेच ती तिच्या अभिनयात पुरेपूर मिसळली आहे. चित्रगंदाची भूमिका थोडी वाढवता आली असती, तरी तिचे पडद्यावरचे पुनरागमन प्रभावी आहे. ‘काली दा’ या व्यक्तिरेखेत परण बंदोपाध्याय यांनी उत्तम काम केले आहे.चित्रपटाची पार्श्वभूमी तुम्हाला कलकत्त्याशी पूर्णपणे जोडून ठेवेल. ‘बॉब बिस्वास’ चित्रपटाची गाणी आणि संगीत सरासरी आहे. किशोर कुमारच्या हिट हिंदी गाण्यांमधील बंगाली मूळ गाण्यांचा चित्रपटात चांगला वापर करण्यात आला आहे.
चित्रपट पाहावा की नाही?
जर, तुम्ही विद्या बालनचा ‘कहानी’ चित्रपट पाहिला असेल आणि त्याच्याशी हा चित्रपट जोडण्याचा विचार करत असाल, तर थोडा कंटाळा येईल. पण, जर तुम्ही तो चित्रपट पाहिला नसेल, तर तुम्हाला या चित्रपटात नवेपणा जाणवेल. एकूणच चित्रपट चांगला आहे, आणि तो एकदा आवर्जून पाहावा.
हेही वाचा :
Ankita Lokhande-Vicky Jain Wedding | लगीन घटीका समीप आली! अंकिता-विकीच्या लग्न सोहळ्याला सुरुवात!
