Nushrratt Bharuccha : मला नेहमीच…अपघातानंतर नुसरत भरुचाची पहिली पोस्ट, शेअर केली हेल्थ अपडेट

लोकप्रिय बॉलिवूड अभिनेत्री नुसरत भरुचाचा नुकताच बालीमध्ये अपघात झाला. मीडिया रिपोर्ट्सनुसार, अभिनेत्रीच्या पाठीच्या कण्याला फ्रॅक्चर झालं असून, तिला बसणं आणि उभं राहणं कठीण झालं आहे. अभिनेत्रीनं आता तिच्या सोशल मीडियावर एक फोटो शेअर करून एक अपडेट दिली आहे. नुसरत भरुचानं शनिवारी संध्याकाळी इन्स्टाग्रामवर एक फोटो शेअर केला. या फोटोमध्ये एक विशेष मेडिकल चेअर दिसत आहे, जी आधार देण्यासाठी आणि बसण्याच्या आरामदायक स्थितीसाठी वापरली जाऊ शकते.

नुसरत भरुचाची पोस्ट

अपघातानंतर नुसरतनं पहिली पोस्ट शेअर केली आहे. नुसरतने फोटोसोबत एक कॅप्शनही लिहिलं आहे. अभिनेत्रीनं लिहिलं की, ‘मला नेहमीच सूर्यास्त पाहण्याचं वेड होतं, पण आता माझा दृष्टिकोन बदलला आहे. पिक्चर अभी बाकी है मेरे दोस्त.’ यावरून अभिनेत्री लवकरच कमबॅक करणार असल्याचं समजून येत आहे.

नुसरतचा अपघात कसा झाला

नुसरत भरुचाचा बालीमध्ये अपघात झाला. मीडिया रिपोर्ट्सनुसार, या अपघातात तिच्या पाठीच्या कण्याला फ्रॅक्चर झालं आहे. नुसरत सध्या मुंबईतील एका रुग्णालयात उपचार घेत आहे.

अभिनेत्री नुसरत भरुचा हिचा नुकताच बालीमध्ये अपघात झाला. अभिनेत्री कामाच्या निमित्तानं आणि सहलीसाठी बालीला गेली होती. मात्र, नुसरतचा बालीमध्ये अपघात झाला. अपघातानंतर तिला स्थानिक रुग्णालयात दाखल करण्यात आलं आणि तिच्या पाठीच्या कण्याला फ्रॅक्चर झाल्याचं समजलं. यानंतर, पुढील शस्त्रक्रियेसाठी तिला मुंबईला आणण्याचा निर्णय घेण्यात आला. यासाठी एअर अॅम्ब्युलन्सची व्यवस्था करण्यात आली. नुसरत २ ऑक्टोबर रोजी एअर अॅम्ब्युलन्सने मुंबईत दाखल झाली.

अभिनेत्री या चित्रपटात दिसणार

रिपोर्ट्सनुसार, नुसरत अभिनेता टायगर श्रॉफसोबत स्क्रीन शेअर करताना दिसणार आहे. पहिल्यांदाच नुसरत आणि टायगर एकत्र सिनेमात झळकणार आहेत. सध्या, चित्रपटातील नुसरतच्या भूमिकेबद्दल फारशी माहिती समोर आलेली नाही. वृत्तानुसार, तिची भूमिका केवळ एका नायिकेपुरती मर्यादित न राहता, कथेमध्ये एक महत्त्वाची भूमिका ठरणार आहे. नुसरत भरुचानं 2006 मध्ये आलेल्या ‘जय संतोषी माँ’ या चित्रपटातून तिच्या करिअरची सुरुवात केली होती. या चित्रपटानंतर ती ‘कल किसने देखा’, ‘ताजमहाल’ आणि ‘लव्ह सेक्स और धोखा’ यांसारख्या सिनेमांमध्ये दिसली.