Binge Watch : तापसीच्या ‘रश्मी रॉकेट’पासून शहनाजच्या ‘हौसला रख’पर्यंत, पाहा कोणकोणते चित्रपट आणि सीरीज रिलीज होणार?

Binge Watch

मुंबई : Movies and Series Releasing Today : जर तुम्हाला नवीन आणि वेगवेगळ्या प्रकारच्या सामग्री पाहण्याची आवड असेल, तर आजचा दिवस तुमच्यासाठी एक अद्भुत दिवस असणार आहे. त्यामुळे कंटेंट प्रेमी, पॉपकॉर्नसह आपल्या टीव्ही स्क्रीनसमोर बसण्याची घाई करा आणि स्थायिक व्हा, कारण नेटफ्लिक्स, Amazon प्राइम व्हिडीओ, डिस्ने प्लस हॉटस्टार आणि झी 5 सारखे ओटीटी प्लॅटफॉर्म आज त्यांच्या दर्शकांसाठी भरपूर मनोरंजक कंटेंट आणणार आहेत.

एवढेच नाही तर, जर तुम्ही ओटीटी प्रेमी नसाल तर तुम्हाला आज चित्रपटगृहांमध्ये एक नवीन चित्रपट देखील पाहायला मिळेल. ओटीटीपासून ते थिएटरपर्यंत, शुक्रवारी दसऱ्याच्या निमित्ताने, तापसी पन्नू स्टारर ‘रश्मी रॉकेट’पासून ते शहनाज गिलच्या ‘हौसला रख’पर्यंत सगळेच चित्रपट तुमचे खूप मनोरंजन करणार आहेत.

नेटफ्लिक्स

नेटफ्लिक्सवर 6 चित्रपट आणि सीरीज रिलीज होत आहेत, ज्यात मुलांच्या आवडत्या ‘कोकोमेलन’, ‘कर्मा वर्ल्ड’, ‘लिटल थिंग्ज सीझन 4’, ‘माय नेम’, ‘पॉवर रेंजर्स डिनो फ्युरी’ चा सीझन 2 आणि ‘यू सीझन 3’ यांचा समावेश आहे. यातील सर्वात जास्त चर्चा ‘लिटल थिंग्ज सीझन 4’ आणि ‘यू’ यांची आहे, कारण या दोन्ही मालिका प्रेक्षकांच्या पसंतीस उतरल्या आहेत.

Amazon प्राईम व्हिडीओ

आज Amazon प्राईम व्हिडीओवर, प्रेक्षक त्यांच्या टीव्ही स्क्रीनवर आधीच पाहिलेली सीरीज पाहू शकतात. आम्ही ‘आय नो व्हॉट यू डिड’ सीरीजबद्दल बोलत आहोत. ही 1973च्या कादंबरीवर आधारित एक भयपट सीरीज आहे.

झी 5

तापसी पन्नूचा ‘रश्मी रॉकेट’ चित्रपट झी 5 वर आज प्रदर्शित झाला आहे. या चित्रपटात तापसी पन्नू एका धावपटूची भूमिका साकारत आहे, जिला क्रीडा स्पर्धेबरोबरच लिंगभेदासारख्या अडथळ्यांमधून जावे लागते. तापसी व्यतिरिक्त, अभिषेक बॅनर्जी, प्रियांशु पैन्युली, सुप्रिया पाठक आणि सुप्रिया पिळगावकर सारख्या कलाकारांचा या चित्रपटात समावेश आहे.

डिस्ने प्लस हॉटस्टार

विद्युत जामवाल यांच्या ‘सनक’ चित्रपटाचा डिस्ने प्लस हॉटस्टारवर आज प्रीमियर झाला. विद्युत जामवाल शिवाय चित्रपटात चंदन राय सन्याल, रुक्मणी, नेहा धुपिया सारख्या कलाकारांचा समावेश आहे. जर एखाद्या चित्रपटात विद्युत जामवाल असेल आणि त्यात अॅक्शन सीन्स नसेल, तर असे होऊ शकत नाही. त्याच्या इतर चित्रपटांप्रमाणे, विद्युतनेही या चित्रपटात जबरदस्त अॅक्शन सीन केले आहेत. तुम्हाला हा चित्रपट मनोरंजक वाटेल.

थिएटर

प्रेक्षकांना त्यांच्या आवडत्या शहनाज गिलला मोठ्या पडद्यावर बऱ्याच काळापासून पाहण्याची इच्छा होती आणि त्यांची प्रतीक्षा आज संपली आहे. शहनाज गिल, दिलजीत दोसांझ आणि सोनम बाजवा यांचा ‘हौसला रख’ हा चित्रपट आज चित्रपटगृहांमध्ये प्रदर्शित झाला आहे. दसऱ्याच्या सुट्टीच्या निमित्ताने आज प्रेक्षकांना चित्रपटगृहात या चित्रपटाचा आनंद घेता येईल.

हेही वाचा :

विकी कौशल अभिनित ‘सरदार उधम’ च्या स्क्रीनिंगसाठी पोहोचले ‘हे’ सेलिब्रिटी, पाहा कार्यक्रमाचे खास फोटो

Ashvini Mahangade : उत्साह नवरात्रीचा; अभिनेत्री अश्विनी महांगडेच्या खास फोटोशूटचे फोटो पाहिलेत?