Adipurush: ‘आदिपुरुष’ मधील रामाच्या अवतारातील प्रभास चाहत्यांची मन जिंकण्यास सज्ज; ‘या’ दिवशी येणार टीझर
हिंदू महाकाव्य रामायणावर आधारित या चित्रपटाचा टीझर 'दसर्या'च्या दोन दिवस आधी रिलीज होत आहे. गंमत म्हणजे यावेळी प्रभास दिल्लीत 'दसरा' साजरा करताना दिसणार आहे. दरवर्षीप्रमाणे यंदाही दिल्लीतील लवकुश रामलीला समिती अयोध्येतील राममंदिराची थीम असलेला पंडाल लाल किल्ल्याच्या परिसरात बांधणार आहे.
दाक्षिणात्य अभिनेता प्रभासचे (Prabhas)केवळदक्षिणेतच नव्हेत तर देशभरात चाहते आहेत. प्रभास आपल्या भूमिकेतून अनेकदा चाहत्यांच्या मनावर राज्य करतो. सद्यस्थितीला प्रभासच्या हातात अनेक प्रोजेक्ट आहेत. ज्याची चाहते आतुरतेने वाट पाहत आहेत. येत्या काही दिवसातच प्रभासचा ‘आदिपुरुष'(Adipurush) चित्रपट येत आहे. ज्यामध्ये प्रभास ‘भगवान श्री राम’च्या अवतारात दिसणार आहे. या चित्रपटातील(Film) प्रभासचा लूक काही दिवसांपूर्वीच समोर आला होता. चाहत्यांना त्याच्या टीझरची उत्सुकता लागली आहे. या चित्रपटाचा टीझर पाहण्यासाठी चाहतेही खूप उत्सुक झाले आहेत.
या दिवशी येणार रसिकांच्या भेटीला
ओम राऊत दिग्दर्शित ‘आदिपुरुष’ चित्रपटाचा टीझर 3 ऑक्टोबरला रसिकांच्या भेटीला येत आहे. हिंदू महाकाव्य रामायणावर आधारित या चित्रपटाचा टीझर ‘दसर्या’च्या दोन दिवस आधी रिलीज होत आहे. गंमत म्हणजे यावेळी प्रभास दिल्लीत ‘दसरा’ साजरा करताना दिसणार आहे. दरवर्षीप्रमाणे यंदाही दिल्लीतील लवकुश रामलीला समिती अयोध्येतील राममंदिराची थीम असलेला पंडाल लाल किल्ल्याच्या परिसरात बांधणार आहे. प्रभास यावर्षी ५ ऑक्टोबरला होणाऱ्या कार्यक्रमात सहभागी होणार आहे.
‘आदिपुरुष’चे शूटिंग खूप आधी संपले होते. हा एक 3D चित्रपट असून VFX चे काम चालू होते. मीडिया रिपोर्ट्समध्ये अ आदिपुरुष चित्रपटात 8000 पेक्षा जास्त VFX शॉट्स असतील. भारतीय चित्रपटातील पहिलाच प्रयोग आहे.
