‘धुरंधर’ चित्रपटाचा रेकॉर्ड धोक्यात? प्रभासच्या ‘द राजा साब’ पहिल्याच दिवशी मोडले ‘या’ 5 चित्रपटांचे रेकॉर्ड

The Raja Saab Box Office Collection Day 1: साऊथ सुपरस्टार प्रभासचा बहुप्रतिक्षित चित्रपट ‘द राजा साब’ 9 जानेवारी 2026 रोजी अखेर थिएटर्समध्ये प्रदर्शित झाला असून, रिलीज होताच या चित्रपटाने बॉक्स ऑफिसवर जबरदस्त कमाई केली आहे. मोठ्या पडद्यावर प्रदर्शित होताच या चित्रपटाला प्रेक्षकांचा भरघोस प्रतिसाद मिळत असून या चित्रपटाने पहिल्याच दिवशी अनेक चित्रपटांचे ओपनिंग कलेक्शनला मागे टाकले आहे.

‘द राजा साब’ने रिलीजपूर्वीच अ‍ॅडव्हान्स बुकिंगमध्ये कोट्यवधींची कमाई केली होती. आता थिएटरमध्ये प्रदर्शित झाल्यानंतरही या चित्रपटाने जोरदार कमाई करताना दिसत आहे. सॅकनिल्कच्या रिपोर्टनुसार या चित्रपटाने संध्याकाळी 6 वाजेपर्यंत 19.19 कोटी रुपयांची कमाई केली आहे. पहिल्या दिवसातच इतकी मोठी कमाई करत प्रभासच्या या चित्रपटाने अनेक मोठ्या चित्रपटांना मागे टाकले आहे.

पहिल्याच दिवशी या चित्रपटांना टाकलं मागे

‘द राजा साब’ने धनुष आणि कृति सेनन यांच्या ‘तेरे इश्क में’ या चित्रपटाच्या पहिल्या दिवसाच्या कमाईला मागे टाकले आहे. ‘तेरे इश्क में’ने पहिल्या दिवशी 16 कोटी रुपयांची कमाई केली होती. याशिवाय प्रभासच्या चित्रपटाने ‘स्काय फोर्स’ 12.25 कोटी, ‘जॉली एलएलबी 3’ 12.5 कोटी, ‘सितारे जमीन पर’ 10.7 कोटी, ‘जाट’ 9.5 कोटी अशा चित्रपटांच्या ओपनिंग डे कलेक्शनवरही मात केली आहे.

‘द राजा साब’ हा एक हॉरर चित्रपट असून त्याचे दिग्दर्शन मारुती यांनी केले आहे. या चित्रपटात प्रभास मुख्य भूमिकेत झळकत असून त्यांच्यासोबत संजय दत्त एका महत्त्वाच्या भूमिकेत दिसत आहे. चित्रपटात अभिनेत्री मालविका मोहनन, रिद्धी कुमार आणि निधी अग्रवाल यांच्या भूमिका आहेत. तसेच झरीना वहाब आणि बोमन इराणी यांचाही चित्रपटात समावेश आहे.

प्रभासचा आगामी चित्रपट

वर्कफ्रंटबाबत बोलायचे झाल्यास ‘द राजा साब’नंतर प्रभासकडे अनेक मोठे प्रोजेक्ट्स आहेत. तो लवकरच ‘स्पिरिट’ या चित्रपटात दिसणार असून यात त्याच्यासोबत तृप्ती डिमरी मुख्य भूमिकेत असणार आहे. या चित्रपटाचे दिग्दर्शन संदीप रेड्डी वांगा करत आहेत.
याशिवाय प्रभासकडे ‘सालार पार्ट 2’ आणि ‘कल्की 2898 एडी पार्ट 2’ हे बहुचर्चित चित्रपटही आहेत.

त्यामुळे पहिल्याच दिवशी मिळालेल्या तगड्या प्रतिसादामुळे ‘द राजा साब’ पुढील काही दिवसांमध्ये आणखी काही चित्रपटांचे रेकॉर्ड्स मोडेल अशी अपेक्षा व्यक्त केली जात आहे.