Jr NTR: 18 व्या वर्षी अरेंज मॅरेज, दोन मुलांची आई.. कोण आहे ज्युनिअर एनटीआरची पत्नी लक्ष्मी?
RRR फेम साऊथ सुपरस्टार ज्युनिअर एनटीआरची पत्नी लाइमलाइटपासून असते दूर; खऱ्या आयुष्यात खूपच ग्लॅमरस, पहा फोटो
RRR या चित्रपटातील 'नाटू नाटू' या गाण्याची सध्या सर्वत्र चर्चा आहे. प्रतिष्ठित गोल्डन ग्लोब पुरस्कार सोहळ्यात सर्वोत्कृष्ट मूळ गाण्याचा पुरस्कार RRR मधील या गाण्याने जिंकला. साऊथ सुपरस्टार ज्युनिअर एनटीआर आणि रामचरण यांच्यावर हे गाणं चित्रित करण्यात आलं होतं. या पुरस्कार सोहळ्याला ज्युनिअर एनटीआरने पत्नी लक्ष्मी प्रणतीसोबत हजेरी लावली होती.
ज्युनिअर एनटीआरचे पत्नीसोबतचे फोटो सध्या सोशल मीडियावर व्हायरल होत आहेत. गोल्डन ग्लोब पुरस्कार सोहळ्यात तिने काळ्या रंगाचा वेल्वेट गाऊन परिधान केला होता. तिला पाहून ती दोन मुलांची आई आहे, यावर तुम्हाला विश्वासच बसणार नाही.
कुटुंबीयांच्या पसंतीने आणि परवानगीने ज्युनिअर एनटीआरने लक्ष्मीशी लग्न केलं होतं. जेव्हा या दोघांचं लग्न झालं तेव्हा ज्युनिअर एनटीआर हा 26 वर्षांचा होता तर लक्ष्मी फक्त 18 वर्षांची होती. या दोघांच्या वयात 8 वर्षांचं अंतर आहे. 2011 मध्ये या दोघांनी लग्नगाठ बांधली.
ज्युनिअर एनटीआर आणि लक्ष्मीच्या लग्नाला फक्त कुटुंबीय आणि मित्रपरिवारच नाही तर चाहत्यांनीही हजेरी लावली होती, असं म्हटलं जातं. जवळपास 12 हजार चाहते या लग्नात सहभागी झाले होते. लक्ष्मीने हैदराबादमधून शिक्षण पूर्ण केलं. तर तिचे वडील श्रीनिवास हे व्यावसायिक आहेत.
ज्युनिअर एनटीआर जरी साऊथ सुपरस्टार असला तरी लक्ष्मी लाइमलाइटपासून दूरच राहणं पसंत करते. अभिनेता रामचरणची पत्नी उपासना आणि लक्ष्मी या एकमेकींच्या चांगल्या मैत्रिणी आहेत. लक्ष्मी आणि ज्युनिअर एनटीआर यांना दोन मुलं आहेत. 2014 मध्ये लक्ष्मीने मुलाला जन्म दिला, ज्याचं नाव अभय राम ठेवण्यात आलं. त्यानंतर 2019 मध्ये तिने दुसऱ्या मुलाला जन्म दिला, ज्याचं नाव भार्गव राम आहे.