Singer KK Death Video : मृत्यूच्या अवघ्या काही क्षण आधीचा KK यांचा व्हिडीओ समोर, ते गात होते, ‘हम रहे या ना रहें कल..’
31 मे रोजी केकेचं निधन झालं. वयाच्या 53 वर्षी हार्टअटॅकमुळे गायक केके यांच्या मृत्यूनं सगळ्यांनाच मोठा धक्का बसलाय.
मुंबई : प्रसिद्ध गायक केके (Singer KK Death) यांच्या अकाली मृत्यूनं अवघी संगीतसृष्टी (Music Industry) हादरुन गेली आहे. कोलकातामधील एका लाईव्ह कॉन्सर्ट दरम्यान, केके गात होते. याच कार्यक्रमात केके याला हृदयविकाराचा (Heart Attack) तीव्र झटका आला आणि त्यातच त्यांचा मृत्यू झाला. हृदयविकाराचा झटका आल्यानंतर केके यांना तातडीनं रुग्णालयामध्येही आणण्यात आलं होतं. मात्र तिथे त्यांना मृत घोषित करण्यात आलं. 31 मे रोजी ज्या ऑडिटोरीअमध्ये केके कॉन्सर्टमध्ये गात होते, त्या कॉर्न्सर्टमधील वेगवेगळे व्हिडीओ आता समोर आले आहेत. ‘हम रहे या ना रहे कल’ हे गाणं गाताना केके व्हिडीओमध्ये दिसून आलेत. मृत्यूच्या अवघ्या काही क्षण आधीही या व्हिडीओनं चाहते सुन्न झाले आहेत.
पाहा व्हिडीओ :
#WATCH | Singer KK died hours after a concert in Kolkata on May 31st. The auditorium shares visuals of the event held some hours ago. KK was known for songs like ‘Pal’ and ‘Yaaron’. He was brought dead to the CMRI, the hospital told.
Video source: Najrul Manch FB page pic.twitter.com/YiG64Cs9nP
— ANI (@ANI) May 31, 2022
Najrul Manch या फेसबकुवर पेजवरुन हा व्हिडीओ शेअर करण्यात आला आहे. या व्हिडीओमध्ये कॉन्सर्टचा उत्साही माहौल दिसून आला आहे.
केके यांच्या मृत्यूनं मोदींनाही धक्का
Saddened by the untimely demise of noted singer Krishnakumar Kunnath popularly known as KK. His songs reflected a wide range of emotions as struck a chord with people of all age groups. We will always remember him through his songs. Condolences to his family and fans. Om Shanti.
— Narendra Modi (@narendramodi) May 31, 2022
मोठ्या संख्येने चाहते ऑडिटोरीअमध्ये उपस्थित होते. प्रत्येकजण आपल्या मोबाईल फोनमध्ये केकेच्या परफॉरमन्सचा लाईव्ह व्हिडीओ रेकॉर्ड करत होता. संगीतमय वातावरणात तल्लीन झालेल्या चाहत्यांनी अचानक काय झालं, याची काही कल्पना येऊ शकली नाही.
छोटी सी है जिंन्दगी…
45 सेकंदाच्या या व्हिडीओमध्ये हम रहे या ना रहें कल, हे गाणं गाताना दिसतो. छोटी सी है जिन्दगी, असे बोलत गाताना केकेच्या या व्हिडीओची सुरुवात होते. त्यानंतर कॅमेरा प्रेक्षकांच्या दिशेने फिरतो. मोठ्या संख्येनं चाहते गाण्यात मग्न झालेले असतात. केकेसोबतच्या सुरांत सूर मिसळून कॉन्सर्ट ऐकायला आलेल्या चाहत्यांचाही सूर व्हिडीओमध्ये ऐकयाला मिळतोय.
31 मे रोजी केकेचं निधन झालं. वयाच्या 53 वर्षी हार्टअटॅकमुळे गायक केके यांच्या मृत्यूनं सगळ्यांनाच मोठा धक्का बसलाय. पल, यारो, तडप तडप के इस दिल से, ही त्यांची गाजलेली गाणी.
केके यांनी एक तास कॉन्सर्टमध्ये गाणी गायली होती. त्रास होऊ लागल्यानं त्यांना कोलकातामधीलच एका खासगी रुग्णालयात आणण्यात आलं होतं. पण तिथं डॉक्टरांनी त्यांना मृत घोषित केलं.
