Salman Khan : ‘सलमान खानच्या फार्महाऊसवर जाणाऱ्यांनाच फक्त…’, भाजप खासदाराच्या लेकीचं नाव पुढे, प्रसिद्ध कॉमेडियनकडून मोठा दावा समोर

Salman Khan : अभिनेता सलमान खान याने इंडस्ट्रीमध्ये अनेक नव्या कालाकरांना संधी दिल्या आहेत. सांगायचं झालं तर, आजच्या घडीला सलमान खान बॉलिवूडमधील सर्वात महत्त्वाचा सेलिब्रिटी आहे. पण नुकताच झालेल्या एक मुलाखतीत, प्रसिद्ध कॉमेडियन सुनील पाल याने सलमान खान आणि ‘बिग बॉस’वर नाराजी व्यक्त केली आहे. यावेळी सुनील याने बॉलिवूडच्या दोन खानचं कौतुक केलं तर, सलमान खान याच्यावर निशाणा साधला.. ‘बिग बॉस’मध्ये स्पर्धकांची निवड, ते सलमान खान याच्या संबंधित असतील तरच होते… एवढंच नाही तर, सुनील याने असा देखील दावा केला की, ‘बिग बॉस 20’ सध्या त्याच्या नावाची चर्चा होत होती. पण सलमान खान याच्यामुळेच मला बाहेरचा रस्ता दाखवण्यात आला… असं म्हणत सुनील असं देखील म्हणाला की, भविष्यात आता कधीच बिग बॉसमध्ये जाणार नाही.

सलमान खानवर का भडकला सुनील पाल?

सुनील पाल म्हणाला, ‘तर तुम्ही सोशल मीडिया पाहिलं तर तुम्हाला कळेल की, बिग बॉस सुरु होण्यापूर्वीच 500 पेक्षा अधिक पापाराझींनी जाहिर केलं होतं की, सुनील पाल ‘बिग बॉस 20’ मध्ये जात आहे. त्यानंतर कळलं की. 15 दिवसांच्या एपिसोडसाठी सलमान याने 300 कोटी घेतले आणि सर्व बजेट संपला… आता बिग बॉस वाले बोलत आहेत , सर आता आम्ही काय करणार…’

सलमान खान त्याच्याच लोकांना बोलावतो – सुनील पाल

यावेळी सुनील पाल याने एक धक्कादायक दावा केला. ‘वर्षभर जो सलमान खान याची गुलामी करतो. भाईजानच्या मागे-पुढे फिरतात, त्याच्या फार्महाऊसवर राहतात.. त्या लोकांना सलमान खान पुढे आणतो, हा चांगला गायक आहे पण कोण?’, ‘ही भाजप खासदार मनोज तिवारी यांची लेक आहे. खूप हुशार आहे… व्हायरल सिंगर आहे.. सलमान त्याच्या लोकांना आणतो…’, असा दावा सुनील पाल यांनी केला.

सुनील पाल याला असं देखील विचारण्यात आलं की, सलमान खान याच्या विरोधात बोलताना भीती नाही वाटत. यावर सुनील म्हणाला, ‘महाभारतात लिहिलं आहे की, धर्माच्या विरोधात कोणीही असो… त्याच्या समोर उभं राहायचं… “मी आता पुन्हा कधीही ‘बिग बॉस’मध्ये जाणार नाही. मी तर असं म्हणेन की ‘बिग बॉस’ अशा निरुपयोगी आणि नीच प्रवृत्तीच्या लोकांना जे खरं तर समाजासाठी एक ‘मोठा तोटा’ आहेत—त्यांना स्टार बनवतं.’, सध्या सर्वत्र सुनील पाल याच्या वक्तव्याची चर्चा सुरु आहे.