Bigg Boss 16 | बिग बॉग 16 आले रंगात, घरात हंगामा सुरूच…

मुंबई : बिग बॉस 16 (Bigg Boss 16) सध्या चांगलेच चर्चेत आहे. बिग बॉस 16 ने निश्चितपणेच एक जबरदस्त सुरूवात केलीये. शोला सुरू होऊन अजून आठ दिवस झाले नाहीयेत. मात्र, शो चांगलाच रंगात आलाय. निर्मात्यांनी यंदा टीआरपी (TRP) वाढवण्यासाठी कंबर कसलीये. बिग बॉसची यंदाची थीम (Theme) सर्कस आहे. शोमध्ये मान्या सिंह सध्या केंद्रबिंदू बनलीये. कोणाचाही वाद असो मान्या त्यामध्येच पडतेच. नुकताच मान्या आणि इमली अर्थात सुंबुल तौकीरची चुगली करताना दिसली.

साजिद खान पुन्हा एकदा बिग बॉसच्या घरात जुन्या स्टाईलमध्ये दिसला. साजिद खानने कॉमेडी शो करत सर्वांना हसवण्याचा प्रयत्न केला. बिग बाॅसच्या घरातील अब्दू आणि साजिद खान यांची जोडी प्रेक्षकांना आवडताना दिसत आहे. नुकताच बिग बाॅसने एक प्रोमो शेअर केलाय. या प्रोमोमध्ये अब्दू पोहताना दिसत आहे. मात्र, उंची कमी असल्याने त्याला व्यवस्थित पोहता येत नाहीये.

साजिद खानच्या बिग बॉसमधील सहभागानंतर अनेकांनी भूवया उंचावल्या आहेत. सोना महापात्राने तर बिग बॉसमधील साजिद खानच्या सहभागावर नाराजी व्यक्त करत सोशल मीडियावर एक पोस्ट शेअर केलीये. यावेळी तिने चक्क चॅनललाच टार्गेट केले. साजिद खान हे बाॅलिवूडमधील अत्यंत वादग्रस्त नाव आहे. बिग बॉसच्या घरात आता साजिद खान नेमके काय खुलासे करतात हे पाहण्यासारखे ठरणार आहे.