VIDEO : धर्मेंद्रसारखं नवऱ्याला कपाटाला बांधलं, इराणी महिलेचे शोले, ‘जब तक है जान’ गाण्यावर हेमा मालिनी स्टाईल डान्स
शोले'ला इतकी वर्षे झाली पण आजही या चित्रपटातील गाणे, डायलॉग कॉपी करुन लोक त्याचे व्हिडीओ बनवत असतात आणि ते सोशल मीडियावर टाकत असतात. असाच एक व्हिडीओ सध्या सोशल मीडियावर धुमाकुळ घालतोय.
नवी दिल्ली : हिंदी चित्रपट सृष्टीतील आयकॉनिक फिल्म म्हणवल्या जाणाऱ्या ‘शोले’ची क्रेज आजही लोकांच्या मनात कायम असल्याचं पाहायला मिळतं. ही क्रेज फक्त भारतीय प्रेक्षकवर्गातच नाही तर बॉलिवूडचे चाहते असलेल्या परदेशी प्रेक्षकांमध्येही दिसून येते. ‘शोले’ला इतकी वर्षे झाली पण आजही या चित्रपटातील गाणे, डायलॉग कॉपी करुन लोक त्याचे व्हिडीओ बनवत असतात आणि ते सोशल मीडियावर टाकत असतात. असाच एक व्हिडीओ सध्या सोशल मीडियावर धुमाकुळ घालतोय.(Iranian woman dances like Basanti in Sholay movie)
इराणच्या एका महिलेने शोले चित्रपटातील गाण्यावर केलेला डान्स तुफान व्हायरल होत आहे. ‘शोले’तील ‘जब तक है जान…’ या गाण्यावर ही इराणी महिला शोलेतील बसंतीप्रमाणे आपली कंबर हलवताना पाहायला मिळतेय. इतकच नाही तर हे संपूर्ण गाणं त्यांनी शोलेतील चित्र डोळ्यासमोर ठेवून चित्रित केलं आहे. त्यानुसारच त्यांनी हा व्हिडीओ शूट केला आहे.
‘शोले’ उभारण्याचा प्रयत्न
या व्हिडीओमध्ये तुम्ही पाहू शकता की पूर्ण सीन शोले चित्रपटाप्रमाणे तयार केला आहे. हा व्हिडीओ इनडोअर शूट केला असला तरी चित्रपटातील वातावरण निर्मिती करण्याचा त्यांचा प्रयत्न दिसतोय. चित्रपटातील कॅरेक्टरही उभे करण्याचा त्यांचा प्रयत्न आहे. व्हिडीओमध्ये ती महिला हेमा मालिनी अर्थात शोलेतील बसंतीप्रमाणे डान्स करताना दिसतेय. तर विरूला दोरीच्या सहाय्याने बांधून ठेवण्यात आलं आहे. तर गब्बर समोर उभे राहत डान्सचा आनंद घेत आहे. हा व्हिडीओ व्हायरल झाल्यानंतर त्यावर कमेंट्सचा अक्षरश: पाऊस पडताना दिसतोय.
میگن تمام ایران بسیج شدن ساقی این مهمونی رو پیدا کنن??????? پارت ۱ ( پارت ۲،۳ در کامنتها?) pic.twitter.com/Ep8btYJ6B2
— Sheri ?? (@Sheri_happy) March 27, 2021
सोशल मीडियावर धुमाकुळ
हा व्हिडीओ @Sheri_happy नावाच्या यूजरने ट्विटरवर शेअर केला आहे. हा व्हिडीओ आतापर्यंत 1 लाखापेक्षा अधिक लोकांनी पाहिला आहे. तर एक हजारापेक्षा जास्त रि-ट्विट्स मिळाले आहेत. त्याचबरोबर या व्हिडीओवर लोक अधिकाधिक कमेंट्स करत आहेत.
इतर बातम्या :
Iranian woman dances like Basanti in Sholay movie
