इतक्या घाणेरड्या पद्धतीने..; आमिर खानच्या भाचीचा व्हिडीओ चुकीच्या अँगलने शूट, कॅमेरामनवर भडकले नेटकरी

मृणाल ठाकूर आणि अदिवी शेष यांच्या ‘डकैत’ या चित्रपटाचा ट्रेलर नुकताच प्रदर्शित झाला. हा चित्रपट येत्या 10 एप्रिल रोजी देशभरात प्रदर्शित होणार आहे. परंतु त्यापूर्वी ट्रेलर लाँचच्या कार्यक्रमातील एक व्हिडीओ सोशल मीडियावर चर्चेत आला आहे. अभिनेत्री झैन मेरी खानचा हा व्हिडीओ आहे. झैन ही आमिर खानची भाची आहे. ट्रेलर लाँचच्या कार्यक्रमात ती साडी नेसून आली होती. त्यावर तिने डीप नेक ब्लाऊज घातला होता. कार्यक्रमात मृणाल ठाकूर, अनुराग कश्यप आणि अतुल कुलकर्णी हे कलाकारसुद्धा उपस्थित होते. परंतु तिथल्या एका कॅमेरामनने झैनवर फोकस करून असा व्हिडीओ शूट केला, ज्यावरून आता नेटकरी त्याला ट्रोल करत आहेत. या व्हिडीओ क्लिपवर अनेकांनी राग व्यक्त केला आहे.

‘डकैत’चा ट्रेलर रविवारी 5 एप्रिल रोजी प्रदर्शित झाला. एकीकडे चित्रपटाचा ट्रेलर चर्चेत असताना कार्यक्रमातील एका व्हिडीओ क्लिपमध्ये झैन मेरी खान लगेचच ट्रेंडिंग टॉपिक बनली आहे. व्हायरल झालेल्या या व्हिडीओमध्ये झैन स्टेजवर बसलेली दिसत आहे. मात्र कॅमेराचा फोकस वारंवार तिच्या कपड्यांकडे होतोय. कॅमेरामन सतत झैनच्या डीप नेक ब्लाऊजवर झूम इन करून व्हिडीओ शूट करत असल्याचं नेटकऱ्यांच्या लक्षात आलं. यावरून अनेकांनी कॅमेरामनवर संताप व्यक्त केला.

पहा व्हिडीओ-

‘हा नीच कॅमेरामन पैसे कमावण्यासाठी अशा विचित्र अँगलने शूटिंग करत आहे’, असं एकाने लिहिलं. तर ‘अशा लोकांना कुठेच काम मिळायला नको’, असं दुसऱ्याने म्हटलंय. ‘त्या कॅमेरामनला अजिबात लाज नाही’, अशा शब्दांत नेटकऱ्यांनी राग व्यक्त केला आहे. तर काहींनी यात झैनचीही चूक असल्याचं म्हटलंय. ‘केवळ प्रसिद्धीसाठी अंगप्रदर्शन करणारे कपडे परिधान केले आहेत’, असं एका युजरने लिहिलं आहे. ट्रेलरपेक्षा सोशल मीडियावर झैनचीच अधिक चर्चा होत असल्याने हे सर्व प्रकाशझोतात येण्यासाठी केल्याची टीका काही नेटकरी करत आहेत.

झैन मेरी खान ही अभिनेता आणि दिग्दर्शक मन्सूर खानची मुलगी आहे. मन्सूर खान हा आमिर खानचा चुलत भाऊ आहे. त्याने ‘कयामत से कयामत तक’, ‘जो जीता वही सिकंदर’ आणि ‘अकेले हम अकेले तुम’ यांसारख्या सुपरहिट चित्रपटांचं दिग्दर्शन केलं आहे. आमिर खानची भाची झैन ही 31 वर्षांची असून तिचा जन्म 20 मार्च 1995 रोजी मुंबईत झाला.