‘ही’ आहेत उच्च रक्तदाबाची लक्षणे
हाय बीपी हा एक गंभीर आजार असून या परिस्थितीत निष्काळजीपणा जीवघेणा ठरू शकतो. त्याचबरोबर हाय बीपीमुळे तुम्हाला हार्ट अटॅक आणि किडनीशी संबंधित समस्या देखील होऊ शकतात. हाय बीपी असताना शरीर काय संकेत देते हे आम्ही तुम्हाला सांगणार आहोत.
High bp symptoms
मुंबई: आजच्या काळात हाय बीपीची समस्या सामान्य होत चालली आहे. खराब जीवनशैली आणि खराब आहारामुळे लोक या समस्येला बळी पडत आहेत. हाय बीपी हा एक गंभीर आजार असून या परिस्थितीत निष्काळजीपणा जीवघेणा ठरू शकतो. त्याचबरोबर हाय बीपीमुळे तुम्हाला हार्ट अटॅक आणि किडनीशी संबंधित समस्या देखील होऊ शकतात. हाय बीपी असताना शरीर काय संकेत देते हे आम्ही तुम्हाला सांगणार आहोत.
ही आहेत उच्च रक्तदाबाची लक्षणे
- वारंवार लघवी करणे: जर तुम्हाला वारंवार लघवी येत असेल तर त्याकडे दुर्लक्ष करू नका कारण असे करणे प्राणघातक ठरू शकते. त्यामुळे बराच वेळ वारंवार लघवी करण्यास त्रास होत असेल तर डॉक्टरांना भेटा.
- डोळे लाल होणे: जेव्हा उच्च रक्तदाब सुरू होतो तेव्हा आपले डोळे लाल होऊ लागतात. शरीरातील रक्तदाब वाढल्यामुळे रक्तवाहिन्यांमध्ये दाब जास्त होतो, ज्यामुळे डोळ्यांवर गंभीर परिणाम होतो. त्यामुळे डोळ्यांना काही त्रास होत असेल तर तुमचा बीपीही तपासावा.
- तीव्र डोकेदुखी: उच्च रक्तदाबामुळे तुम्हाला तीव्र डोकेदुखीच्या समस्येला सामोरे जावे लागू शकते. बहुतेक हाय बीपीच्या रुग्णांना अशा प्रकारची समस्या असते. त्यामुळे जेव्हा असे घडते तेव्हा त्याकडे दुर्लक्ष करू नका.
- अस्पष्ट दृष्टी: शरीरात हाय बीपीची समस्या असल्यास डोळ्यांवर परिणाम होतो. यामुळे तुमच्या डोळ्यांच्या रक्तवाहिन्यांचे नुकसान होते. अशा वेळी आपण अस्पष्ट दिसू लागतो. त्यामुळे अस्पष्ट दृष्टी झाली तर त्याकडे दुर्लक्ष करू नका.
- मळमळ: हाय बीपीच्या समस्येमध्ये व्यक्तीला उलट्या आणि मळमळ सुरू होते. त्यामुळे जर तुम्हाला अशी अडचण असेल तर त्याकडे दुर्लक्ष करू नका.
(डिस्क्लेमर: येथे दिलेली माहिती घरगुती उपचार आणि सामान्य माहितीवर आधारित आहे. आम्ही याला दुजोरा देत नाही.)
