युद्धात अमेरिकेचा सर्वात मोठा आदेश! सगळ्या अधिकाऱ्यांना तातडीचा संदेश; पाकिस्तानातून थेट….

Iran Israel War : अमेरिका-इस्रायल आणि इराण यांच्यातील संघर्षामुळे पश्चिम आशियात तणावाची स्थिती आहे. अमेरिकेची मित्र राष्ट्रं असलेल्या काही देशांवर इराणने हल्ले केल्यामुळे ही परिस्थिती जास्तच गंभीर झाली आहे. हे युद्ध लवकर संपण्याची आशा नसल्याचे या क्षेत्रातील तज्ज्ञ सांगत आहेत. इस्रायलच्या हल्ल्यात इराणचे सर्वोच्च नेते अयातुल्लाह अली खामेनेई यांचा मृत्यू झाल्यानंतर तर या युद्धाचा भडका उडाला आहे. इराणने आता आक्रमक पवित्रा धारण केला आहे. खामेनेई यांच्या मृत्यूचे पडसाद जगभरात उमटत आहेत. पाकिस्तानही पेटला आहे. या सर्व घडामोडी घडत असतानाच अमेरिकेने पाकिस्तानसंदर्भात मोठा निर्णय घेतला आहे.

डोनाल्ड ट्रम्प यांनी काय निर्णय घेतला?

खामेनेई यांच्या मृत्यूनंतर पाकिस्तानात सध्यात तणावाची स्थिती आहे. पाकिस्तानात अनेक ठिकाणी आंदोलन केले जात आहे. काही ठिकाणी तर जाळपोळही करण्यात आली. आंदोलनाला हिंसक वळण मिळाल्यामुळे अनेकांचा मृत्यूही झाला आहे. आंदोलक थेट अमेरिकेच्या वाणिज्य दूतावासावर चालून गेल्याने तेथील परिस्थिती जास्तच नाजूक झाली आहे. या सर्व स्थितीचा अंदाज घेऊन अमेरिकन सरकारने पाकिस्तानातील कराची आणि लाहोर येथील अमेरिकन दूतावासात अतिरिक्त कर्मचाऱ्यांनी पाकिस्तान देश सोडण्याचा आदेश दिला आहे.

नेमका आदेश काय आहे?

अमेरिकेने कराची आणि लाहोर येथील वाणिज्य दूतावासात काम करणाऱ्या आपल्या अतिरिक्त कर्मचाऱ्यांना पाकिस्तान सोडण्याचा आदेश दिला आहे. कर्मचाऱ्यांनी कुटुंबासह पाकिस्तान सोडावा, असे अमेरिकेने म्हटले आहे. खामेनेई यांच्या मृत्यूनंतर पाकिस्तानी नागरिक अमेरिकन वाणिज्य दूतावासापुढे जमा झाले होते. नंतर हा जमाव अनियंत्रित झाला होता. पोलिसांनी गर्दी पांगवण्यासाठी गोळ्या झाडल्या हो्त्या. यात 10 जणांचा मृत्यू झाला होता तर 60 जण जखमी झाले होते. काही आंदोलकांनी अमेरिकन वाणिज्य दूतावासात घुसण्याचाही प्रयत्न केला होता. त्यानंतर अमेरिकेने हा निर्णय घेतला आहे. दरम्यान युद्धाआधी अमेरिका आणि पाकिस्तान यांच्या संबंधांमध्ये सुधारणा झाली होती. दोन्ही देश व्यापार सहकार्य करण्यासाठी सकारात्मत होते. परंतु आता सध्याची युधजन्य स्थिती लक्षात घेऊन अमेरिकेने आपल्या वाणिज्य दूतावासातील अधिकाऱ्यांना परत बोलावले आहे.