डोनाल्ड ट्रम्प यांच्या तोंडात मारणारा व्हिडीओ, भारतीय जोडपे निघाताच अमेरिकन महिला ढसाढसा रडली, व्हिडीओ पुढे..
एक भावनिक निरोपाचा व्हिडीओ सोशल मीडियावर सर्वांचे लक्ष वेधून घेत आहे. या व्हिडीओमध्ये दोन शेजाऱ्यांमधील घट्ट नाते स्पष्टपणे दिसून येते. या लहानशा क्षणाने अनेकांना भावूक केले असून, खरी नाती रक्ताच्या नात्यावर नव्हे, तर हृदयावर आधारित असतात, असे मत त्यांनी व्यक्त केले आहे.
असे म्हटले जाते की चांगले शेजारी फक्त कुटुंबातील किंवा जवळ राहणारे लोक नसतात, तर इतर कधीकधी अनोळखी माणसे देखील काळाच्या ओघात कुटुंबाचा भाग बनतात. रोजच्या छोट्या-छोट्या भेटी कधी खोल नात्यात रूपांतरित होतात, याचा अनुभव बहुतेकदा तेव्हा येतो जेव्हा आपल्यापैकी कोणी दूर जाण्याची वेळ येते. सोशल मीडियावर व्हायरल होणारा एक व्हिडीओ या सुंदर नात्याचे दर्शन घडवते.
सोशल मीडियावर व्हायरल झालेल्या व्हिडीओमध्ये एक अमेरिकन महिला आपल्या भारतीय शेजाऱ्यांना निरोप देताना भावुक होऊन रडताना दिसत आहे. भारतीय जोडपे अमेरिकेतून परत भारतात येत होते आणि याच दरम्यान त्यांच्यातील हा भावुक क्षण कॅमेऱ्यात कैद झाला आहे.
निरोप देताना ढसाढसा रडली अमेरिकन महिला
समोर आलेल्या माहितीनुसार, एक भारतीय जोडपे अमेरिकेतील डेट्रॉईटमधून भारतात परतण्याची तयारी करत होते. विमानतळासाठी निघण्यापूर्वी त्यांची अमेरिकन शेजारीण त्यांना भेटायला आली. भेटीदरम्यान महिलांनी दोघांनाही मिठी मारली. काहीच क्षणांत वातावरण पूर्णपणे भावुक झाले. महिला आपल्या शेजाऱ्यांना मिठी मारून रडू लागली. दुसरीकडे भारतीय जोडपे हसत त्यांना सांभाळण्याचा प्रयत्न करताना दिसले. या छोट्याशा क्षणात दोन्ही कुटुंबांमधील आपलेपणा स्पष्ट दिसत होता.
सर्वात रंजक गोष्ट म्हणजे भारतीय जोडप्याला त्या वेळी हा क्षण रेकॉर्ड होत असल्याची माहिती नव्हती. एका मित्राने न सांगता हा निरोप समारंभ कॅमेऱ्यात कैद केला होता. नंतर जेव्हा व्हिडीओ त्यांना मिळाला, तेव्हा त्यांच्याकडे या नात्याची एक अत्यंत खास आठवण कायमची सुरक्षित झाली.
सोशल मीडियावर शेअर होताच व्हायरल झाला व्हिडिओ
हा व्हिडीओ भारतीय शेजारी विजय कोक्करागड्डाने शेअर केला आहे. त्यानंतर व्हिडीओ व्हायरल झाला आणि सोशल मीडियावर तुफान व्हायरल झाला. तो इतर सोशल मीडिया अकाउंट्सवरूनही शेअर करण्यात आला, ज्यानंतर मोठ्या संख्येने लोक या भावुक क्षणाशी जोडले जाऊ लागले. एका युजरने म्हटले की कोणतेही नाते मजबूत करण्यासाठी नेहमी रक्ताचे नाते असणे आवश्यक नसते. अनेकजणांनी लिहिले की अमेरिकन महिलेचे रडणे पाहून असे वाटते की ती आपल्या कुटुंबातील कोणत्यातरी सदस्याला निरोप देत आहे.
काही युजर्सनी भारतीय जोडपे आणि त्यांच्या शेजारीण यांच्यातील या सुंदर नात्याची प्रशंसा केली. तर अनेक लोकांनी आपल्या आयुष्यातील त्या शेजाऱ्यांना आठवले, जे काळाच्या ओघात कुटुंबासारखे बनले. ही बातमी सोशल मीडियावर उपलब्ध व्हिडिओ आणि माहितीवर आधारित आहे. न्यूज१८ या व्हिडिओशी संबंधित दाव्यांची स्वतंत्र पडताळणी करत नाही.
