डोनाल्ड ट्रम्प यांची जगाची झोप उडवणारी घोषणा, थेट म्हटले, तुम्ही..

अमेरिका आणि इराणमधील युद्ध पेटले आहे. अमेरिका आणि इस्त्रायल यांनी केलेल्या मोठ्या हल्ल्यात इराणचे सर्वोच्च नेते आयातुल्ला अली खामेनेई यांचा मृत्यू झाला. त्यांच्या पूर्ण कुटुंबाचाही मृत्यू झाल्याचे सांगितले जात आहे. आयातुल्ला अली खामेनेई यांच्या निधनानंतर आता इराणचे सर्वोच्च नेते म्हणून मोजतबा खामेनी यांची निवड करण्यात आली. अमेरिकेवर मोठा हल्ला केला जाणार असल्याचे इराण सरकारने म्हटले. मात्र, आता त्यानंतर युद्ध अधिक भडकताना दिसत आहे. डोनाल्ड ट्रम्प यांनी आता थेट मोठी धमकी इराणला दिली असून अमेरिकेवर हल्ला करण्याचा विचारही करून नये, असे थेट डोनाल्ड ट्रम्प यांनी म्हटले. फक्त हेच नाहीत र आजच अत्यंत मोठा हल्ला इराणवर केला जाणार, ज्याचा विचारही त्यांनी साधा केला नसावा, असे डोनाल्ड ट्रम्प यांनी म्हटले.

दुबईमध्ये आणखीन एक मोठा हल्ला इराणने केल्याची माहिती मिळत आहे. डोनाल्ड ट्रम्प यांनी पुढे म्हटले की, जर इराणने आमच्यावर हल्ला केला तर त्यांना अत्यंत वाईट परिणामांना सामोरे जावे लागेल. अमेरिकेने आमची मन दुखावल्याचे मोठे विधान NSA ने म्हटले आहे. आम्ही अमेरिकेला चोख उत्तर देऊ असे इराणच्या NSA ने म्हटले आहे.

यासोबतच इराणने स्पष्ट शब्दात अमेरिकेला इशारा देत म्हटले की आम्ही आयातुल्ला अली खामेनेई यांच्या मृत्यूचा बदला घेणार आहोत. इस्त्रायलवर सातत्याने इराण हल्ले करताना दिसत आहे. अमेरिकेने केलेल्या हल्ल्यानंतर इराणच्या टार्गेटवर अमेरिकेचे एअर बेस होती. 8 देशांमध्ये मोठी हल्ले करत इराणकडून अमेरिकेची लष्कर बेस उद्धवस्थ करण्यात आली.

इस्त्रायलच्या नेत्यांनाही सुरक्षितस्थळी हालवल्याची माहिती मिळत आहे. इराणमध्ये नक्की काय सुरू आहे, याची माहिती व्हिडीओच्या माध्यमातून डोनाल्ड ट्रम्प व्हाईट हाऊसमध्ये बसून घेत आहेत. त्यांच्यासोबत काही प्रमुख नेतेही उपस्थित आहेत. सध्या इराणी जनता रस्त्यावर उतरून अमेरिका आणि इस्त्रायलचा निषेध करताना दिसतंय. तेहरानमध्ये अमेरिकेच्या हल्ल्यानंतर मोठे नुकसान झाले असून सरकारी इमारतींचे सर्वाधिक नुकसान झाले.