मोठी बातमी! पाकिस्तान हादरलं, राजधानी इस्लामाबादवर मोठा हल्ला, काही कळायच्या आतच…
मोठी बातमी समोर येत आहे, पाकिस्तान पुन्हा एकदा हादरलं आहे, पाकिस्तानची राजधानी इस्लामाबादमध्ये अनेक ठिकाणी ड्रोन हल्ले झाल्याची बातमी समोर येत आहे.
मोठी बातमी समोर येत आहे. पाकिस्तानची राजधानी इस्लामाबादवर मोठा ड्रोन हल्ला झाला आहे. इस्लामाबादच्या फैजाबाद आणि आय 8 परिसरामध्ये दोन ड्रोनने हा हल्ला करण्यात आला आहे. या घटनेमुळे पाकिस्तानमध्ये मोठा गोंधळ उडाला आहे. घटनेनंतर तातडीनं इस्लामाबादचं एअरस्पेस बंद करण्यात आलं आहे. या हल्लानंतर पाकिस्तानचं हवाई दल अलर्ट मोडमध्ये आलं असून, इस्लामाबाद परिसरात एअरफोर्सच्या विमानानं टेहळणी सुरू आहे. इस्लामाबादवर हल्ला झाल्यामुळे खबरदारी म्हणून इस्लामाबाद एअरपोर्टवर लँड होणाऱ्या विमानांना इतर ठिकाणी वळवण्यात आलं आहे. दरम्यान फैजाबाद आणि आय 8 नंतर आय 9 सेक्टर आणि शमशाबाद परिसरात देखील मोठा ड्रोन हल्ला झाल्याची माहिती मिळत आहे. या ड्रोन हल्ल्यानंतर परिसराला भीषण आग लागली आहे. हे ड्रोन हल्ले नेमके कोणी केले? हे अद्याप अस्पष्ट आहे, मात्र अफगाणिस्तानकडून हे ड्रोन हल्ले करण्यात आल्याचा प्राथमिक अंदाज व्यक्त केला जात आहे. पाकिस्तानने केलेल्या हल्ल्यानंतर अफगाणिस्ताने पाकिस्तानला ड्रोन हल्ल्यांची धमकी दिली होती. या हल्यामुळे आता अफगाणिस्तान आणि पाकिस्तानमधील तणाव पुन्हा एकदा वाढला आहे.
तर दुसरीकडे त्यापूर्वी अफगाणिस्तानच्या एका फ्यूल डेपोवर जोरदार हल्ला झाला होता. या हल्ल्यामध्ये अफगाणिस्तानचं मोठं नुकसान झालं आहे. कंधार एअरपोर्टजवळ असलेल्या फ्यूल डेपोवर हा हल्ला झाला आहे. पाकिस्तानने हा हल्ला घडवून आणल्याचा आरोप अफगाणिस्तानमधील तालिबानच्या सरकारने केला आहे. यामुळे आता पाकिस्तान आणि अफगाणिस्तानमधील तणाव चांगलाच वाढला आहे. त्यानंतर काही वेळातच पाकिस्तानच्या इस्लामाबादमध्ये ड्रोन हल्ला करण्यात आला.
अफगाणिस्ताने दिलेल्या माहितीनुसार पाकिस्तानकडून कंधार एअरपोर्टजवळ असलेल्या फ्यूल डेपोवर हल्ला करण्यात आला आहे. या फ्यूल डेपोमधून अनेक खासगी विमानांना तसेच अन्य संस्थांना देखील इंधनाचा पुरवठा केला जातो. या इंधन डेपोवर झालेल्या हल्ल्यामुळे प्रचंड नुकसान झालं असून, इंधन पुरवठा खंडित झाला आहे. फ्यूल डेपोचे व्यवस्थापक हाजी दाद मोहम्मद यांनी झालेल्या नुकसानाबाबद माहिती देताना सांगितलं की, या हल्ल्यामुळे या फ्यूल डेपोचं मोठं नुकसान झालं असून, तब्बल 1500 टनापेक्षा अधिक इंधन नष्ट झालं आहे.
