Tariff War : रशिया, चीन, भारताने हा फक्त एक निर्णय घ्यावा, अमेरिकेची दादागिरी झटक्यात संपेल, ट्रम्प तोंडावर आपटतील
Tariff War : सध्या अमेरिकेचे राष्ट्राध्यक्ष डोनाल्ड ट्रम्प यांनी टॅरिफवरुन जागतिक युद्ध छेडलं आहे. त्यांच्या भूमिकेमुळे जगात अनेक देश त्रस्त आहेत. सध्या ते भारताच्या मागे लागले आहेत. अमेरिका सुरुवातीपासून रशिया आणि चीनला आपली स्पर्धक मानते. रशियासोबत भारताची मैत्री अमेरिकेला खटकते. त्यात आता या तीन देशांनी एकत्र येऊन फक्त एक निर्णय घेण्याची गरज आहे. अमेरिकेची दादागिरी झटक्यात संपून जाईल.
अमेरिकेचे राष्ट्राध्यक्ष डोनाल्ड ट्रम्प सध्या भारतावर व्यक्तीगत राग काढत आहेत. म्हणूनच त्यांनी सर्व देश सोडून भारतावर 50 टक्के टॅरिफ लावला आहे. ट्रम्प यांच्या टप्प्यात भारतच नाही, तर रशिया आणि चीन हे देश सुद्धा आले आहेत. याचा अर्थ असा आहे की, अमेरिकेचे राष्ट्राध्यक्ष यावेळी रशिया, भारत आणि चीन तिघांवर एकाचवेळी हल्ला करतायत. या स्थितीत अनेकांच्या मनात प्रश्न निर्माण होतोय की, हे तीन देश मिळून अमेरिकेची दादागिरी संपवू शकतात का?. अमेरिकेला सर्वात जास्त फायदा ग्लोबल मार्केटमध्ये डॉलरच्या ट्रेडमधून होतो. त्यामुळे रशिया, भारत आणि चीन मिळून डॉलरचा सामना करु शकतात का?. या प्रश्नाच उत्तर अमेरिकी राष्ट्राध्यक्ष डोनाल्ड ट्रम्प यांच्या चिडचिडीतून मिळतं. तुम्हाला आठवत असेल, ब्रिक्स परिषदेच्यावेळी डोनाल्ड ट्रम्प यांनी डॉलरला पर्याय शोधणाऱ्या रशिया, भारत आणि चीनला धमकी दिलेली. ट्रम्प यांनी म्हटलेलं की, ब्रिक्स देशांनी एकत्र येऊन डॉलरला कमकुवत करण्याचा प्रयत्न केला, तर या देशांवर...
