Javelin System : डोंगर असो वा मैदान, पाकिस्तानवर काळ बनून तुटून पडणार, भारत अमेरिकेकडून विकत घेणार खतरनाक अस्त्र

Javelin System : भारत अमेरिकेकडून लवकरच एक खतरनाक शस्त्र विकत घेणार आहे. त्यामुळे पाकिस्तानचं टेन्शन नक्कीच वाढेल. डोंगर असो वा मैदान, हे वेपन पाकिस्तानवर काळ बनून तुटून पडेल. या करारामुळे भारत-अमेरिका अजून परस्परांच्या जवळ येतील.

Javelin System : डोंगर असो वा मैदान, पाकिस्तानवर काळ बनून तुटून पडणार, भारत अमेरिकेकडून विकत घेणार खतरनाक अस्त्र
Javelin System
Image Credit source: lockheedmartin
| Updated on: Aug 28, 2026 | 6:05 PM

भारत आणि अमेरिकेतील संरक्षण सहकार्याबाबत एक मोठी बातमी आहे. भारताची अमेरिकेकडून जॅवलिन अँटी टँक मिसाइल सिस्टिम खरेदी करण्याची योजना आहे. भारतातील अमेरिकेचे राजदूत सर्जियो गोर यांनी सोशल मिडिया पोस्टच्या माध्यमातून ही माहिती दिली. भारत-अमेरिका संरक्षण संबंधांसाठी हे एक मोठं पाऊल असल्याचं त्यांनी सांगितलं. दोन्ही देश एकत्र येऊन जॅवलिन अँटी टँक सिस्टिमच उत्पादन करतील अशी शक्यता सुद्धा त्यांनी व्यक्त केली. जॅवलिन एक पोर्टेबल अँटी टँक मिसाइल सिस्टिम आहे. सैनिक हे मिसाइल खांद्यावरुन लॉन्च करु शकतात. याचं वैशिष्ट्य म्हणजे ही सिस्टिम वेगवेगळ्या भागात वेगाने तैनात करता येते. डोंगराळ भागापासून ते मोकळ्या मैदानापर्यंत या सिस्टिमचा वापर करता येतो. रणगाडे आणि चिलखती वाहनांना टार्गेट करण्यासाठी ही सिस्टिम बनवण्यात आली आहे.

भारताच्या जॅवलिन खरेदी करण्याच्या निर्णयामुळे दोन्ही देशातील संबंध अजून मजबूत होतील असं अमेरिकी राजदूताने सांगितलं. मे 2026 मध्ये शांगरी ला डायलॉगवेळी अमेरिकी संरक्षण मंत्र्यांनी जे म्हटलेलं त्याचा उल्लेख केला. या करारामुळे भारताचा जॅवलिन सहउत्पादनाचा मार्ग सुद्धा खुला होऊ शकतो. भारत दीर्घकाळापासून आपल्या सैन्याची अँटी टँक क्षमता मजबूत करण्यावर काम करत आहे. जॅवलिन खरेदीला याच रणनितीशी जोडलं जात आहे. सीमावर्ती भागात टँक आणि चिलखती वाहनं उडवण्यासाठी हे एक महत्वपूर्ण शस्त्र आहे.

फायर अँड फरगेट

भारतीय सैन्याने अमेरिकी फॉरेन मिलिट्री सेल्स प्रक्रियेतंर्गत जॅवलिन अँटी टँक गाइडेड मिसाइल सिस्टिम खरेदी करण्यासाठी लेटर ऑफ ऑफर एंड एक्सेप्टेंसवर (LOA) स्वाक्षरी केली आहे. भारत जॅवलिन सिस्टिमचा ग्राहक बनल्याचं अमेरिकेने म्हटलं आहे. या करारामुळे भारत-अमेरिका संरक्षण संबंध अधिक दृढ होतील असं अमेरिकी राजदूत सर्जियो गोर यांनी म्हटलं. जॅवलिन एक एडवांस्ड, मीडियम-रेंज, फायर अँड फरगेट रणगाडाविरोधी मिसाइल आहे. चिलखती वाहनं आणि मजबूत ठिकाणाविरोधात त्याचा वापर केला जातो. अमेरिकी दूतावासाने दिलेल्या माहितीनुसार, जॅवलिन सिस्टिमचं उत्पादन आरटीएक्स आणि लॉकहीड मार्टिन एकत्र करतात. ही सिस्टिम अमेरिकन सैन्य आणि मरीन कॉर्प्स शिवाय अन्य दुसऱ्या देशांचं सैन्य सुद्धा वापरतं.

 
Add TV9 Marathi As A Trusted Source
Follow Us
LIVETV