इराणचा अमेरिकेच्या लष्कर तळावर हल्ला, तेल भडकल, भारतावर संकट

इराण आणि अमेरिका यांच्यातील युद्ध टोकाला पोहोचले आहे. गेल्या काही दिवसांच्या शांततेनंतर पुन्हा आखाती देशात तणाव बघायला मिळतोय. अमेरिका मोठे हल्ले इराणवर करत आहे. होर्मुज खाडी बंद आहे. इराण देखील अमेरिकेच्या हल्ल्याला उत्तर देत आहे. इराणी सैन्याने मंगळवारी पहाटे कुवेतमधील अमेरिकेच्या लष्करी तळांवर क्षेपणास्त्रांनी हल्ला केला. हे भीषण हल्ले होते. अमेरिका गेल्या 10 दिवसांपासून सतत इराणवर हल्ले करत आहे. मात्र, तरीही इराण मागे हटताना दिसत नाहीये. होर्मुज खाडी बंद असल्याने कच्च्या तेलाचे भाव जागतिक बाजारात सतत वाढत आहेत. आजही जागतिक बाजारात कच्च्या तेलाच्या किमतीमध्ये मोठी वाढ झाली. इराणी सैन्याने मंगळवारी पहाटे सांगितले की, त्यांनी कुवेतमधील अमेरिकेच्या तळाला क्षेपणास्त्रांनी लक्ष्य केले आहे. अमेरिका आणि इराण यांच्यातील तणाव प्रचंड वाढताना दिसत आहे.

भारतावर गंभीर परिणाम

इराण आणि अमेरिका युद्ध पेटल्यानंतर इराणकडून पुन्हा एकदा होर्मुज खाडी बंद करण्यात आली. होर्मुज खाडी बंद असल्याने थेट भारतावर परिणाम होतोय. भारतात एलपीजी गॅस आणि कच्च्या तेलाचा पुरवठा होर्मुज खाडीतूनच होतो. होर्मुज खाडी बंद असल्याने भारतात कच्चे तेल आणि एलपीजीची समस्या आहे. पुरवठा साखळी विस्कळीत झाली. देशात पुन्हा एकदा पेट्रोल डिझेलचे भाव वाढण्याची शक्यता आहे. इराण आणि अमेरिका युद्धात भारतात चार वेळा पेट्रोल डिझेलचे भाव वाढले. त्यामध्येच आताही सरकार याबाबत घोषणा करू शकते.

इराण आणि अमेरिका युद्धात 1 महिन्यात तब्बल 20 टक्के जागतिक बाजारात कच्च्या तेलाचे भाव वाढले आहेत. दरम्यान, WTI कच्च्या तेलाच्या दरात 0.9 टक्क्यांनी वाढ होऊन ते प्रति बॅरल 83.23 डॉलरवर पोहोचले. आता युद्ध अधिक भडकताना दिसत आहे. त्यामुळे येत्या काही दिवसात हे भाव अधिक वाढण्याची शक्यता आहे. याचे परिणाम भारतात स्पष्टपणे दिसतील.

इराण आणि अमेरिकेतील संघर्ष टोकाला 

इराणचे राष्ट्रापती मसूद पेझेश्कियान यांनी म्हटले की, या संघर्षाचे रूपांतर आता पूर्ण प्रमाण युद्धात झाले आहे.  कुवेतमधील आरिफजान तळावर तैनात असलेल्या अमेरिकेच्या दहशतवादी सैन्याच्या हायमार्स क्षेपणास्त्र प्रणालींना जमिनीवरून मारा करणाऱ्या क्षेपणास्त्राव्दारे टार्गेट करत हल्ला केला.

इराणचे अमेरिकेच्या लष्कर तळावर मोठे हल्ले 

हायमार्स हे जमिनीवरील हल्ला करणारे क्षमता असलेले फिरते क्षेपणास्त्र आहे. अचूक निशाणा साधण्यासाठी त्याची खास ओळख आहे. शत्रूचे मोठे नुकसान होते. आक्रमक कारवायांमध्ये शत्रूची क्षेपणास्त्र क्षमता कमी होते, असेही त्यांनी म्हटले.  कुवेत शहराच्या दक्षिणेस स्थित असलेल्या कॅम्प आरिफजानमध्ये अमेरिकेचे हवाई दल, नौदल, मरीन कॉर्प्स आणि कोस्ट गार्ड तैनात आहे.