Danish Siddiqui : ‘कोरोना माणसावरील सर्वात मोठं संकट असेल तर पत्रकारांना ते वास्तव दाखवावं लागेल’, पाहा दानिश सिद्दीकी यांचे खास फोटो
पत्रकारितेतील सर्वोच्च पुरस्कार मानल्या जाणाऱ्या पुलित्झर पुरस्काराने सन्मानित फोटो जर्नालिस्ट दानिश सिद्दीकी यांचा तालिबान्यांच्या हल्ल्यात मृत्यू झाला. यानंतर जगभरातून त्यांच्या कामाची दखल घेतली जातेय.
Photo Journalist Danish Siddiqui killed brutally
दानिश हे आपल्या सर्वोत्तम फोटोग्राफीसाठी चांगलेच प्रसिद्ध आहेत. त्यांच्या अनेक फोटोंची चर्चा नेहमीच जागतिक स्तरावर होत राहिलीय. जगावर कोरोनाचं संकट असतानाही त्यांनी आपल्या फोटोग्राफीतून या संकटाचं गांभीर्य कोट्यावधी लोकांपर्यंत पोहचवलं.
भारतात कोरोनाने कहर केलेला असताना सरकारी आकडेवारीपेक्षा वास्तवात कितीतरी अधिक मृत्यू होत आहेत हे वास्तव दानिश यांच्या फोटोनेच समोर आणलं.
कोरोनाने अनेकांचे जवळचे लोक हिरावले. त्यामुळे अनेकजण भावनिकदृष्ट्या कोसळले. दानिश यांनी या सर्वांचंच दुःख कॅमेऱ्यात टिपलं.
ज्या मुलांनी आपल्या आई वडिलांच्या साथीने भविष्याची स्वप्नं पाहिली त्यांना कोरोना काळात आपल्या जन्मदात्यांना मुखाग्नी द्यावा लागला. हे दुःख दानिशच्या फोटोंमध्ये स्पष्टपणे दिसतं.
दानिश यांनी अंगावर काटा आणणारे दिल्लीतील स्माशानभूमीत एकाचवेळी जळणाऱ्या अनेक मृतदेहांचं वास्तव आपल्या कॅमेऱ्यात टिपलं.
दानिश यांच्या फोटोंनी व्यवस्थेला धडका दिल्या. त्यांच्या फोटोंनी प्रशासनाला खडबडून जागं केलं आणि लोकांच्या हालअपेष्टा कमी करण्यासाठी धोरण ठरवून तातडीने निर्णय घ्यायला भागही पाडलं.
सरकारची आरोग्य व्यवस्था आणि इतर सुविधांबाबतची जबाबदारी निश्चित करण्यात दानिश यांनी मोठी भूमिका निभावली. त्यांच्या फोटोंनी या विषयांना आंतरराष्ट्रीय स्तरावर स्थान दिलं.
