जगातील सर्वात सुरक्षित ठिकाण कोणते? टॉप 10 शहरांची यादी आली समोर

Safe Countries

Image Credit source: Google

इस्रायल आणि इराण यांच्यातील युद्धामुळे संपूर्ण जगाची झोप उडाली आहे. अमेरिका आणि इस्रायस इराणवर भीषण हल्ले करत आहे. इराणकडूनही या हल्ल्यांना प्रत्युत्तर दिले जात आहे. इराणने अनेक आखाती देशांवर हल्ले केले आहेत. त्यामुळे अनेक विमानतळेही बंद करण्यात आली आहेत. या युद्धाचा फटका कोट्यवधी लोकांना बसला आहे. त्यामुळे आता इंटरनेटवर जगातील सर्वात सुरक्षित ठिकाणे कोणती याबाबत माहिती शोधली जात आहे. आज आपण जगातील सर्वात सुरक्षित शहरे आणि सुरक्षित देशांची माहिती जाणून घेणार आहोत.

अमेरिकन हल्ल्यांना उत्तर देताना इराणने युएईतील अनेक शहरांवर हल्ले केले आहेत. यामुळे जगातील सर्वात सुरक्षित शहरांच्या यादीत समावेश असलेल्या दुबई आणि अबुधाबी या शहरांची सुरक्षाही धोक्यात आली आहे. या शहरांमध्ये भारतासह जगभरातील अनेक लोक अडकून पडले आहेत. जगातील सर्वात उंच इमारत असणाऱ्या बुर्ज खलिफावरही ड्रोन हल्ल्याचा प्रयत्न झाला आहे. त्यामुळे नागरिकांची धाकधूक वाढली आहे. आज आपण सुरक्षा निर्देशांक 2026 नुसार जगातील सर्वात सुरक्षित शहरांची माहिती जाणून घेऊयात.

जगातील 10 सर्वात सुरक्षित शहरे

• क्विंगदाओ (क्विंगदाओ), शेडोंग, चीन
• अबु धाबी, संयुक्त अरब अमिराती
• दोहा, कतार
• शारजाह, संयुक्त अरब अमिराती
• दुबई, संयुक्त अरब अमिराती
• तैपेई, तैवान
• मनामा, बहरीन
• मस्कत, ओमान
• द हेग (डेन हाग), नेदरलँड्स
• आइंडहोव्हन, नेदरलँड्स

जगातील 10 सर्वात सुरक्षित देश

• आइसलँड
• आयर्लंड
• न्यूझीलंड
• ऑस्ट्रिया
• स्वित्झर्लंड
• सिंगापूर
• पोर्तुगाल
• डेन्मार्क
• स्लोव्हेनिया
• फिनलंड

हल्ले अजूनही सुरूच

गेल्या काही दिवसांपासून अमेरिका आणि इस्रायल संयुक्तपणे इराणवर हल्ले करत आहे. या हल्लांमध्ये इराणचे सर्वोच्च नेते अयातुल्ला अली खामेनी यांचा मृत्यू झाला आहे. खामेनी यांच्यासह त्यांच्या कुंटुंबातील अनेक सदस्यही मारले गेले आहेत. त्याबरोबर सैन्याचे बडे अधिकारी आणि अनेक महत्त्वाच्या नेत्यांचाही मृत्यू झाला आहे. त्यामुळे इराणचे मोठे नुकसान झाले आहे. त्याचबरोबर इराणमधील अनेक इमारतींचे नुकसान झाले आहेत. त्यामुळे आता जगभरातील अनेक देशांनी हे युद्ध थांबवण्याचे आवाहन केले आहे.