मुंबईत 26 नोव्हेंबर 2008 साली झालेल्या दहशतवादी हल्ल्याला 12 वर्षे पूर्ण झाली आहेत. (CM Uddhav Thackeray pays tribute 26/11 Mumbai Attack Photo)
Follow us on
मुंबईत 26 नोव्हेंबर 2008 साली झालेल्या दहशतवादी हल्ल्याला 12 वर्षे पूर्ण झाली आहेत. या हल्ल्यात मुंबईतील ताज हॉटेलसह सहा ठिकाणी दहशतवाद्यांनी हल्ला केला.
या दहशतवादी हल्ल्यात तब्बल 160 जणांचा मृत्यू झाला होता. यातील सर्वाधिक मृत्यू हे छत्रपती शिवाजी टर्मिनस येथे झाले होते.
या दहशतवादी हल्ल्यात अनेक पोलीस अधिकाऱ्यांना वीरमरण आलं होतं. या पोलीस अधिकाऱ्यांना दरवर्षी या दिवशी श्रद्धांजली वाहिली जाते.
नुकतंच मुख्यमंत्री उद्धव ठाकरे यांनी 26/11 च्या हल्ल्यातील दहशतवाद्यांशी लढताना प्राणार्पण केलेल्या शहीद पोलिसांना श्रद्धांजली वाहिली.
मुंबई पोलीस आयुक्तालय येथे पुष्पांजली अर्पण करून उद्धव ठाकरेंनी या वीरमरण आलेल्या पोलीस अधिकाऱ्यांना आदरांजली वाहिली.
या दहशतवादी हल्ल्यात वीरमरण आलेल्या पोलीस अधिकाऱ्यांना पोलिसांमार्फत पोलीस आयुक्तालयात मानवंदना देण्यात आली.
याआधी पोलीस जिमखाना, मरिन ड्राईव्ह इथे ही श्रद्धांजली दिली जायची. मात्र यंदा कोस्टल रोड प्रोजेक्टच्या कामामुळे मुंबई पोलीस आयुक्तालयात हा कार्यक्रम आयोजित करण्यात आला होता.
