सिंगल स्क्रीन थिएटर चालक आर्थिक अडचणीत, मागण्यांवर सकारात्मक तोडगा काढावा, सुप्रिया सुळेंचे ट्वीट

मुंबई : राष्ट्रवादी काँग्रेसच्या खासदार सुप्रिया सुळे यांनी काही दिवसांपूर्वी जिम सुरु करा अशी मागणी केली होती. त्यानंतर आता सुप्रिया सुळे यांनी राज्यातील एक पडदा थिएटर सुरु करण्याबाबत आग्रही भूमिका घेतली आहे. सिनेमा ओनर्स अँड एक्झिबिटर्स असोसिएशनचे अध्यक्ष आणि फिल्म फेडरेशन ऑफ इंडियाचे उपाध्यक्ष नितीन दातार यांनी सुप्रिया सुळेंना एक निवदेनं दिलं आहे. तेच पत्र ट्विट करत त्यांनी ही मागणी केली आहे. (Supriya Sule demand to open Single Screen Theater)

“कोरोनाच्या पार्श्वभूमीवर एकपडदा थिएटर्स बंद आहेत. यामुळे राज्यातील एकपडदा थियटरचालक आर्थिक अडचणीत आले आहेत. ती पुन्हा सुरु करावीत या मागणीचे निवेदन सिनेमा ओनर्स अँड एक्झिबिटर्स असोसिएशनचे अध्यक्ष आणि फिल्म फेडरेशन ऑफ इंडियाचे उपाध्यक्ष नितीन दातार यांनी दिले आहे.”

यामध्ये एकपडदा थियटरचालकांच्या विविध मागण्यांचा समावेश आहे. मुख्यमंत्री आपणास नम्र विनंती आहे की,कृपया एकपडदा थिएटरचालकांच्या मागण्यांवर सहानुभूतीपूर्वक विचार करुन त्यावर सकारात्मक तोडगा काढावा, असे ट्विट त्यांनी केले आहे.

सुप्रिया सुळे यांच्याकडे रामदास इंगळे या खेळाडूने पत्राद्वारे जिम उघडण्याची मागणी केली आहे. तेच पत्र ट्विटरवर शेअर करत सुप्रिया सुळे यांनी जिम उघडण्याची मागणी केली आहे.

जिम सुरु करा, सुप्रिया सुळे यांची मागणी

“कोरोनाच्या पार्श्वभूमीवर राज्यातील जिम बंद करण्यात आल्या आहेत. पण आता अनलॉकची प्रक्रिया सुरु असल्याने जीम पुन्हा सुरु करणे आवश्यक आहे. राज्यातील अनेक जिम चालकांनी यामध्ये मोठी गुंतवणूक केली आहे”, असं सुप्रिया सुळे ट्विटरवर म्हणाल्या होत्या.

याआधी काही जिम मालक आणि बॉडीबिल्डर्सनी मनसे अध्यक्ष राज ठाकरे यांची भेट घेऊन ठाकरे सरकारकडे जिम सुरु करण्याचा मुद्दा उचलून धरण्याची विनंती केली होती. त्यावेळी राज ठाकरेंनी “जिम ओपन करा, बघू काय होतं” असा सल्ला दिला होता.

राज ठाकरे यांच्या मागणीनंतर विरोधी पक्षनेते देवेंद्र फडणवीस यांनी मुख्यमंत्री उद्धव ठाकरे यांना पत्र पाठवून राज्यातील जिम सुरु करण्याची मागणी केली होती. “आज राज्यातील दारु दुकानं उघडली जात असताना जिम मात्र बंद ठेवली जातात. हे अतिशय दुर्दैवी आहे”, असं देवेंद्र फडणवीस पत्रात म्हणाले होते. (Supriya Sule demand to open Single Screen Theater)

संबंधित बातम्या : 

जिम सुरु करा, राज ठाकरे-फडणवीसांपाठोपाठ सुप्रिया सुळे यांची मागणी

Gym Guidelines | येण्या-जाण्यासाठी स्वतंत्र मार्ग, एसीचे तापमानही निश्चित, जिम-योगा सेंटरसाठी केंद्राची नियमावली