PHOTO : पंकजा मुंडेंना भोवळ, कार्यकर्ते चिंतेत
भाजप नेत्या आणि राज्याच्या ग्रामविकास मंत्री पंकजा मुंडे (Pankaja Munde faints) स्टेजवरच कोसळल्या. पंकजा मुंडे (Pankaja Munde faints) भाषण करत असताना त्यांना भोवळ आल्याने त्या खाली कोसळल्या.
भाषणादरम्यानच ही घटना घडल्याने घटनास्थळी एकच धावाधाव झाली. परळीतील टॉवर परिसरात भाजपची सभा होती. त्यावेळी ही घटना घडली.
पंकजा मुंडे खाली कोसळल्यानंतर त्यांना तातडीने खासगी रुग्णालयात नेण्यात आलं. सध्या त्यांच्यावर उपचार सुरु आहेत. यावेळी त्यांचे पतीही उपस्थित होते.
दिवसभर प्रचार सुरु होता. तसेच सकाळी फक्त नाश्ता करुन पंकजा मुंडे घराबाहेर पडल्या होत्या. त्यामुळे ही भोवळ आली असल्याचे म्हटलं जात आहे.
पंकजा मुंडेंचा समर्थक चितेंत आहेत, नक्की काय झालं आहे, हे कशामुळे झाले, असा प्रश्न त्यांना पडला आहे. मात्र त्यांची प्रकृती ठीक असल्याची माहिती डॉक्टरांनी दिली.
पंकजा मुंडे स्टेजवर कोसळल्याची माहिती मिळाल्यानंतर भाजप कार्यकर्त्यांनी रुग्णालयाबाहेर मोठ्या प्रमाणात एकच गर्दी केली.