ठाण्यात मनसे पदाधिकाऱ्याचा संशयास्पद मृत्यू, डोक्यात गोळी झाडल्याचा आरोप

ठाणे : ठाण्यात मनसे (MNS) पदाधिकारी जमील शेख यांचा संशयास्पद मृत्यू झाल्याने एकच खळबळ उडाली आहे. ठाण्याच्या राबोडी परिसरात बाईक शेजारी त्यांचा मृतदेह आढळून आला. जमील शेख (Jameel Sheikh) यांच्या मृत्यूमुळे परिसरात भीतीचं वातावरण आहे. तर ही हत्या की अपघाती मृत्यू याविषयी पोलीस तपास सुरू असल्याची माहिती देण्यात आली आहे. (Suspected death of MNS office bearer in Thane allegation of shooting in the head)

मिळालेल्या माहितीनुसार, राबोडी परिसरात बाईक शेजारी जमील शेख यांचा मृतदेह आढळून आला. या प्रकरणात जमील यांची गोळ्या झाडून हत्या करण्यात आल्याचा आरोप मनसेकडून करण्यात आला आहे. तर बाईकवरून पडून अपघाती मृत्यू झाल्याचं स्थानिकांचं म्हणणं आहे. यामुळे नेमका जमील शेख यांचा मृत्यू कसा झाला यावरून परिसरात संभ्रम आहे.

घटनेची माहिती मिळताच पोलीस घटनास्थळी दाखल झाले असून तपास सुरू असल्याची माहिती देण्यात आली आहे. पोलिसांनी घटनास्थळावरून जमील शेख यांचा मृतदेह ताब्यात घेतला असून तो शवविच्छेदनासाठी नजिकच्या मुंबईच्या जेजे रुग्णालयात पाठवण्यात आला आहे. दरम्यान, जमील शेख यांच्या मृत्यूविषयी विचारलं असता पोलीस याबाबत काहीही बोलण्यास तयार नाही आहेत.

अधिक माहितीनुसार, शवविच्छेदन अहवाल आल्यानंतरच जमील शेख यांची हत्या की अपघाती मृत्यू याचा उलगडा होईल असं पोलिसांकडून सांगण्यात आलं आहे. पोलिसांनी घटनास्थळावरून जमील यांची बाईकदेखील ताब्यात घेतली असून स्थानिक आणि प्रत्यक्षदर्शींची या प्रकरणात चौकशी करण्यात येणार असल्याचं सांगण्यात येत आहे.

इतर बातम्या –

‘असंच काम करा, आम्हाला बोलावं लागणार नाही’, मनसे आमदार राजू पाटलांचा टोला

सुपारी घेतल्याशिवाय मनसे कामच करू शकत नाही, त्यावरच त्यांचं अस्तित्व अवलंबून; अनिल परब यांचा घणाघात

(Suspected death of MNS office bearer in Thane allegation of shooting in the head)