सुनेत्रा पवारांची वर्षा बंगल्यावरी बैठक संपली; मुख्यमंत्र्यांसोबतच्या बैठकीत कोणत्या मुद्द्यांवर चर्चा?

मुख्यमंत्री देवेंद्र फडणवीस आणि सुनेत्रा पवार यांच्यात नुकतीच वर्षा बंगल्यावर एक महत्त्वपूर्ण बैठक पार पडली. सुमारे पावणे दोन तास चाललेल्या या बैठकीत विविध महत्त्वाच्या विषयांवर चर्चा झाली. सुरुवातीला, महाजेनको संदर्भात ऊर्जा विभागाची एक आढावा बैठक झाली, ज्यात काही सूचना करण्यात आल्या. यानंतर, सुनेत्रा पवार आणि मुख्यमंत्री फडणवीस यांच्यात राष्ट्रवादीच्या संभाव्य विलीनीकरणाबाबत एक स्वतंत्र आणि महत्त्वाची चर्चा झाल्याची माहिती सूत्रांकडून मिळते आहे. या बैठकीत देवेंद्र फडणवीस यांनी ‘कोणती राष्ट्रवादी कोणत्या राष्ट्रीयमध्ये विलीन होणार’ या संदर्भात कानोसा घेतल्याचे बोलले जात आहे.

अजित पवार गटातील जवळपास 22 ते 26 आमदार शरद पवारांच्या संपर्कात असल्याची चर्चा सध्या राजकीय वर्तुळात आहे. ही बाब महायुतीसाठी चिंतेची असल्याने यावरही चर्चा झाली. फडणवीस यांनी आमदारांच्या भूमिकेबद्दल विचारपूस केली आणि काही सूचनाही दिल्या. सूत्रांनुसार, सुनेत्रा पवार यांनी मुख्यमंत्र्यांकडे ‘विलीनीकरणाला आमचा विरोध नाही’ अशी भूमिका व्यक्त केली.