टँकर आणि दुचाकीचा भीषण अपघात, एकाच कुटुंबातील 3 जण जागीच ठार
बुलढाण्यातल्या मेहकर तालुक्यात ही घटना घडली आहे. या घटनेमुळे संपूर्ण परिसरात एकच खळबळ उडाली आहे.
बुलढाणा : बुलढाणा तालुक्यात टँकर आणि मोटारसायकलचा भीषण अपघात झाल्याची घटना समोर आली आहे. धक्कादायक बाब म्हणजे या अपघातामध्ये एकाच कुटुंबातील तीनजण ठार झाले आहेत. बुलढाण्यातल्या मेहकर तालुक्यात ही घटना घडली आहे. या घटनेमुळे संपूर्ण परिसरात एकच खळबळ उडाली आहे. घटनेची माहिती मिळताच पोलीस घटनास्थळी दाखल झाले असून अपघाताचा तपास करत आहेत. (tanker and two wheelers accident in buldhana 3 died on the spot)
मेहकर तालुक्यातील नागापूरजवळ विचित्र अपघात झाला असून एकाच कुटुंबातील 3 जण ठार झाले आहेत. मेहकर तालुक्यातून नागपूर – मुंबई महामार्ग जातो. या मार्गावरील नागापूर गावाजवळ दोन ट्रक आणि एम 80 मोटारसायकलचा भीषण अपघात झाला आहे. या अपघात मोटारसायकलवरील 3 जण जागीच ठार झाले आहेत. एकाच परिवारातील 3 जण जगीच ठार झाल्याने हळहळ व्यक्त होत आहे.
मृतक अकोला जिल्ह्यातील पातूर इथला असून अब्दुल जब्बार अब्दुल रज्जाक (65), त्यांची पत्नी जमीला बी अब्दुल रज्जाक (58) आणि नातू म. हाशिम (12, सर्व रा. सळणीपुरा, पातूर) अशी मृत्यू झालेल्यांची नावं आहेत. मृतक हे साखरखेरडा इथं मुलीला भेटायला जात होते. मात्र, दुदैवी मृत्यू झाला आहे.
अपघाताची माहिती मिळताच पोलीस घटनास्थळी दाखल झाले आहे. पोलिसांनी घटनास्थळावरून तिघांचा मृतदेह ताब्यात घेतला असून शवविच्छेदनासाठी नजिकच्या स्थानिक रुग्णालयात पाठवण्यात आला आहे. पोलिसांनी दिलेल्या माहितीनुसार, अपघाती वाहनं रस्त्याच्या बाजूला करण्यात आली असून पुढील तपास सुरू आहे.
इतर बातम्या –
ICICI बँकेच्या नफ्यामध्ये मोठी वाढ, कोरोनाच्या संकटातही 6 पटीनं झाला फायदा
हेल्मेट न घातल्याने पोलिसांनी फाडली 2 मीटर लांब पावती, दंडाची रक्कम पाहून हादराल
VIDEO : नांदेडमध्ये पुदिन्याची शेती, बाजारात पुदिन्याला मागणी pic.twitter.com/QjAaRAOpLW
— TV9 Marathi (@TV9Marathi) November 1, 2020
(tanker and two wheelers accident in buldhana 3 died on the spot)