ज्येष्ठ साहित्यिक डॉ. गो. मा. पवार यांचं निधन

सोलापूर : ज्येष्ठ साहित्यिक डॉ. गो. मा. पवार यांचे आज पहाटे सव्वापाच वाजता निधन झाले. पवार हे साहित्य अकादमी पुरस्काराने सन्मानित साहित्यिक होते. मराठी समीक्षेमध्ये विनोदाची सैद्धांतिक मिमांसा करणारे गो. मा. पवार हे पहिले समीक्षक ठरले. त्यांच्या निधनावर अनेक मान्यवरांनी शोक व्यक्त केला आहे. डॉ. गो. मा. पवार यांचा संक्षिप्त परिचय गो. मा. पवार हे […]

प्रविण शिंदे, टीव्ही 9 मराठी डिजीटल टीम | Updated on: Jul 05, 2019 | 4:02 PM

सोलापूर : ज्येष्ठ साहित्यिक डॉ. गो. मा. पवार यांचे आज पहाटे सव्वापाच वाजता निधन झाले. पवार हे साहित्य अकादमी पुरस्काराने सन्मानित साहित्यिक होते. मराठी समीक्षेमध्ये विनोदाची सैद्धांतिक मिमांसा करणारे गो. मा. पवार हे पहिले समीक्षक ठरले. त्यांच्या निधनावर अनेक मान्यवरांनी शोक व्यक्त केला आहे.

डॉ. गो. मा. पवार यांचा संक्षिप्त परिचय

गो. मा. पवार हे मराठी साहित्याचे व्यासंगी समीक्षक होते. त्यांनी महर्षी विठ्ठल रामजी शिंदे यांचे जीवनकार्य आणि साहित्याच्या संदर्भात विशेष अभ्यास केला. प्रा. पवार यांचा जन्म 13 मे 1932 ला सोलापूर जिल्ह्यातील पानगाव येथे झाला. शालेय शिक्षण नरखेड येथे, तर उच्च माध्यमिक शिक्षण हरिभाई देवकरण महाविद्यालयामध्ये झाले. त्यानंतर त्यांनी सावित्रीबाई फुले पुणे विद्यापीठातून मराठी विषयात एम.ए.चे शिक्षण पूर्ण केले. डॉ. बाबासाहेब आंबेडकर मराठवाडा विद्यापीठ, औरंगाबाद येथून त्यांनी पीएच.डी. पदवी प्राप्त केली. त्यानंतर अध्यापनाच्या क्षेत्रात 33 वर्षे काम केले. यात अमरावती येथील शासकीय महाविद्यालय, औरंगाबाद आणि शिवाजी विद्यापीठ, कोल्हापूर येथेही अध्यापनाचे काम केले. 1992 मध्ये सेवानिवृत्त झाल्यानंतर सोलापूर हीच कर्मभूमी मानून त्यांनी विपूल साहित्य निर्मिती केली.

पवार यांनी मराठवाडा साहित्य परिषद, अखिल भारतीय साहित्य महामंडळ आणि महाराष्ट्र राज्य साहित्य संस्कृती मंडळावरही काम केले. त्यांनी आत्तापर्यंत 16 ग्रंथाचे लेखन केले असून 60 शोधनिबंध सादर केले. त्यांच्या मार्गदर्शनाखाली 10 विद्यार्थ्यांनी पीएच.डी., तर 22 विद्यार्थ्यांनी एम.फीलची पदवी प्राप्त केली.

डॉ. गो. मा. पवार यांची पुस्तके