Hair Care Tips : शुष्क आणि निर्जीव केसांची समस्या दूर करण्यासाठी ‘हे’ घरगुती उपचार करून पाहा!
सुंदर केस मिळवण्यासाठी केसांची काळजी घेणे अत्यंत आवश्यक आहे. केस अधिक चांगले होण्यासाठी निरोगी आहार आणि चांगली जीवनशैली आवश्यक आहे.
मुंबई : सुंदर केस मिळवण्यासाठी केसांची काळजी घेणे अत्यंत आवश्यक आहे. केस अधिक चांगले होण्यासाठी निरोगी आहार आणि चांगली जीवनशैली आवश्यक आहे. यामुळे केस गळणे कमी होते आणि केसांवर चांगली चमक येण्यास मदत होते. केस गळतीची समस्या कमी करण्यासाठी आणि चांगले केस मिळवण्यासाठी आपण काही घरगुती उपाय केले पाहिजेत. (Do this home remedy to get rid of the problem of dry and lifeless hair)
सुंदर केस मिळवण्यासाठी आपण घरच्या काही साहित्याच्या आधारे हेअर मास्क तयार करू शकतो. हेअर मास्क तयार करण्यासाठी खोबरेल तेल आणि कोरफड घ्या. हे चांगले मिक्स करा आणि साधारण वीस मिनिटांसाठी हा हेअर मास्क केसांवर ठेवा आणि थंड पाण्याने केस धुवा. या हेअर मास्कमुळे केस चमकदार होण्यास मदत होते.
2 अंडी, 6 चमचे दही, 1 चमचा लिंबाचा रस घ्या. सर्वप्रथम अंडी फेटून घ्या. यात दही मिसळा. दही आणि अंडी व्यवस्थित फेटून झाल्यावर त्यात लिंबू रस मिसळा. यामुळे स्काल्पची नीट स्वच्छता होते. या मिश्रणाला व्यवस्थित केसांमध्ये लावून घ्या आणि 30 मिनिटे थांबा. यानंतर केसांना व्यवस्थित शॅम्पू आणि कंडीशनर लावून स्वच्छ धुवून घ्या.
केसांना तेल लावणे फार महत्वाचे आहे. बरेच लोक नियमितपणे तेल केसांना लावत नाहीत. कोरडे आणि निर्जीव केस होण्याचे हे एक मुख्य कारण आहे. तेल लावल्याने आपल्या केसांना आणि टाळूला पोषण मिळते. केस निरोगी राहण्यासाठी आपण नियमितपणे मालिश केली पाहिजे.
केसांच्या समस्येवर मात करण्यासाठी योग्य आहार घेणे महत्वाचे आहे. आहारात आपण अंडी, बदाम, लिंबू, संत्री, फळे, कॅप्सिकम, मसूर, सोयाबीन आणि आवळा यासारख्या पदार्थांचा समावेश केला पाहिजे. यामुळे आपले केस सुंदर आणि चमकदार होण्यास मदत होते.
(टीप : कुठल्याही उपचारांपूर्वी डॉक्टर अथवा सौंदर्य तज्ज्ञांचा सल्ला आवश्य घ्यावा.)
संबंधित बातम्या :
Hair Care | केस गळती, कोंड्याची समस्या? सगळ्यांवर रामबाण उपाय ठरेल बहुगुणकरी ‘रीठा’!
राजमा खाण्याचे ‘हे’ आश्चर्यकारक फायदे वाचा !
शरीरातून घाम का निघतो?, प्रकृतीसाठी चांगलं की वाईट?, वाचा सविस्तर…https://t.co/YDbnEdsqyG | #Sweat | #Body | #Health | #immunesystem | #healthcaretips | #Skincare | #immunity |
— TV9 Marathi (@TV9Marathi) July 2, 2021
(Do this home remedy to get rid of the problem of dry and lifeless hair)
