Health Tips | चमकदार आणि मजबूत नखं हवीयत? मग, नक्की ट्राय करा ‘या’ टिप्स!
बऱ्याच मुलींना लांब आणि परिपूर्ण आकाराचे नखे असणे आवडते. अशी नखे आपल्या हातांचे सौंदर्य वाढवण्याचे काम करतात. आजकाल कृत्रिम नखांवर नेल आर्ट करण्याचा ट्रेंड खूप प्रसिद्ध झाला आहे.
मुंबई : बऱ्याच मुलींना लांब आणि परिपूर्ण आकाराचे नखे असणे आवडते. अशी नखे आपल्या हातांचे सौंदर्य वाढवण्याचे काम करतात. आजकाल कृत्रिम नखांवर नेल आर्ट करण्याचा ट्रेंड खूप प्रसिद्ध झाला आहे. पण काही लोकांची नखे सतत तुटतात. यामुळे त्यांना परिपूर्ण आकार मिळत नाही. पण आपण कधी हा विचार केला आहे का की, नखे तुटण्यामागचे नेमके कारण काय असू शकते? नखे तुटण्यामागे हार्मोनल कारणे असू शकतात. या व्यतिरिक्त, शरीरात पोषणाची कमतरता असू शकते. (Health Tips to keep your beautiful nails strong and healthy)
आपण अनेकदा आपल्या नखांकडे लक्ष देत नाही. नखे मऊ, कमकुवत होतात आणि सहज तुटतात. पण कदाचित तुम्हाला माहीत नसेल की, नखांकडे पाहून व्यक्तीच्या आरोग्याविषयी कयास लावता येतो. म्हणूनच आपण आपल्या नखांची विशेष काळजी घेणे महत्वाचे आहे. काम करताना किंवा भांडी धुताना अनेकदा नखांना नुकसान होते. म्हणूनच आपण नखे निरोगी ठेवणे महत्वाचे आहे. जर, तुमची नखे वारंवार तुटत असतील आणि लांबी वाढत नसेल, तर आम्ही तुम्हाला काही टिप्स सांगणार आहोत. या टिप्स फॉलो केल्याने तुमची नखे मजबूत होण्यास मदत होईल.
हायड्रेटेड रहा
जर तुम्ही पुरेसे पाणी पीत नसाल, तर शरीरात पाण्याची कमतरता असू शकते. त्याचा परिणाम तुमच्या नखांवर दिसतो. यामुळे तुमची नखे कमकुवत होतात आणि तुटतात. निरोगी आणि मजबूत नखांसाठी पुरेसे पाणी प्या. पाणी प्यायल्याने शरीर हायड्रेटेड राहते.
नखे लहान ठेवा
जेव्हा तुमची नखे लांब असतात, तेव्हा ती सहज तुटतात. म्हणून आपण आपले नखे लहान ठेवणे केव्हाही चांगले. लहान नखांची निगा राखणे सोपे आहे. लहान नखांमध्ये घाण साचत नाही आणि ती आपल्या आरोग्यासाठी देखील फायदेशीर आहे.
कृत्रिम नखे लावणे टाळा
जेल आणि कृत्रिम नखे दिसायला तरतरीत आणि सुंदर दिसतात. परंतु, या कारणांमुळे, आपली खरी नखे खराब होतात. म्हणून, जेल किंवा कृत्रिम नखे वापरणे नेहमीच टाळले पाहिजेत. असे केल्याने, नखे अधिक खराब आणि कमकुवत होतात, ज्यामुळे ते लवकर तुटतात.
नखे मॉइस्चराइझ करा
नखे मॉइस्चराइझ ठेवण्यासाठी नियमित हँड क्रीम वापरा. वारंवार हात धुणे किंवा साफसफाईच्या कामामुळे तुमची नखे कमकुवत होतात. म्हणून, जेव्हाही तुम्ही तुमचे हात धुता, तेव्हा नखांना वारंवार मॉइस्चराइझ करा.
संबंधित बातम्या :
Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!
Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..
Beauty Tips | चेहऱ्याचे सौंदर्य वाढवतील ‘ही’ योगासने, तुम्हीदेखील नक्की ट्राय करा!#beautytips | #skincare | #yoga | #beauty https://t.co/zqbiogPSVT
— TV9 Marathi (@TV9Marathi) January 25, 2021
(Health Tips to keep your beautiful nails strong and healthy)
