अमेरिकेत नियोजित वेळेआधीच जन्माला येताय मुले, डॉक्टर ही हैराण

Birth time decrease : बदलत्या जीवनशैलीमुळे अनेक गोष्टी अंतुलित होत चालल्या आहे. अमेरिकेत अशी एक धक्कादायक घटना समोर आली आहे. मुलांच्या जन्माबाबत एक वेगळीच परिस्थिती निर्माण झाली आहे. डॉक्टरांनाही यामागचे कारण कळत नाहीये. अमेरिकेत नियोजित वेळेच्या 3 आठवडे आधी बाळांचा जन्म होत आहे. असे एका संशोधनात पुढे आले आहे. या अहवालानुसार, अमेरिकेत 40 आठवड्यांचा गर्भधारणा कालावधी आता 37 आठवड्यांवर आला आहे. ज्यामुळे मुलांचा जन्म आधीच होऊ  लागला आहे. डॉक्टरांना ही या मागचे कारण शोधता येत नाहीये.

मुदतपूर्व जन्म दर 12 टक्क्यांनी वाढला

2014 ते 2022 या कालावधीत नियोजित वेळेच्या आधी बाळांचा जन्मदर 12 टक्क्यांनी वाढला आहे. यामुळे बाळ आणि आई दोघांनाही त्रास होत आहे. आधीच मुलांचा जन्म झाला तर बाळाला संसर्ग, श्वसन आणि पोटाच्या समस्यांचा सामना करावा लागतो.

वॉशिंग्टन इन्स्टिट्यूट फॉर हेल्थ मॅट्रिक्सच्या अहवालानुसार, १५ ते १९ वयोगटातील जन्मदर एका वर्षात ८% ने कमी झाला आहे. 1991 पासून ते सातत्याने कमी होत आहे. आशियाई-अमेरिकन महिलांमध्ये जन्मदर 8%, हिस्पॅनिक महिलांमध्ये 3% आणि गोऱ्या महिलांमध्ये 6% कमी झाला आहे. तर सिझेरियन प्रसूतीमध्ये ३२% वाढ झाली आहे. गेल्या वर्षी अमेरिकेत सुमारे 36 लाख मुलांचा जन्म झाला. 2019 मध्ये ती सुमारे 38 लाख होती. 2007 मध्ये हा आकडा सुमारे 43 लाख होता.

बाळाच जन्म वेळेच्या आधी झाला तर त्यांना अनेकजा एनआयसीयू मध्ये ठेवावे लागते. वेळेच्या आधी जन्माला आलेल्या बाळ बहुतेकचा अशक्त असते.

चीन आणि उत्तर कोरियाच्या वेगवेगळ्या समस्या

अमेरिकेत तीन आठवड्यांपूर्वी बाळाचा जन्म होत असताना चीन आणि उत्तर कोरिया या दोन देशांमध्ये मात्र वेगवेगळ्या समस्यांना तोंड देत आहेत. मुलांच्या जन्माच्या कमी संख्येमुळे येथील सरकार चिंतेत आहेत. चीनचे राष्ट्राध्यक्ष शी जिनपिंग यांनी स्वत: लोकांना लग्न करा आणि अधिक मुले जन्माला घालण्याचे सांगितले आहे. कमी जन्मदरामुळे उत्तर कोरियाचे शासक किम जोंग यांच्या डोळ्यात अश्रू आले होते.