तांब्या, पितळेच्या भांड्यावरील हट्टी डाग जात नाहीत? झटपट चमकदार बनवण्यासाठी काही सोप्या टिप्स

आता सगळे सण जवळ येत आहे. लवकरच सर्वांच्या घरात गणरायाचं आगमन होणार आहे. यासाठी सर्वांची तयारी देखील सुरु झाली आहे. पण सर्वात मोठा टास्क असतो, तांबे आणि पितळ्यांची भांडी साफ करणं… सांगायचं झालं तर, भारतीय घरांमध्ये तांबे, पितळ, शिसे आणि चांदी यांसारख्या धातूंपासून बनवलेली भांडी विशेष प्रसंगी आणि विधींसाठी वापरली जातात. पण ही भांडी कायम वापरत नसल्याने कधीकधी ती काळी पडतात, म्हणून वाळलेल्या शेणाच्या राखेने घासून ती स्वच्छ केली जातात. जर तुम्ही या दिवशी पितळ, तांबे किंवा चांदीची भांडी वापरत असाल, तर ती पटकन आणि सहजपणे स्वच्छ करण्यासाठी येथे काही सोपे उपाय दिले आहेत. पितांबरीने भांडी साफ केल्याने हातावर इजा होतात. तर जाणून घ्या काही सोप्या टीप्स…

तुमच्या घरात पितळेची भांडी, ताटं किंवा वाट्या असतील तर, ती स्वच्छ करण्यासाठी एक लिंबू अर्धा कापून घ्या. त्या मिश्रणावर थोडं पांढरे मीठ शिंपडा. पितळेच्या भांड्याच्या आतल्या आणि बाहेरच्या बाजूस गोलाकार फिरवत ते मिश्रण चांगल्या प्रकारे चोळा. तुमच्या लक्षात येईल की डाग लगेच नाहीसे होतीस. त्यानंतर, ते एका कोरड्या सुती कापडाने धुऊन पुसून घ्या. दुसरा पर्याय म्हणून, हळद पावडर दह्यात मिसळून पेस्ट बनवा आणि ती काही मिनिटे भांड्यावर तशीच राहू द्या, म्हणजे ते पूर्णपणे स्वच्छ होईल.

पितळेप्रमाणेच, तांब्याची भांडी स्वच्छ करण्यासाठी तुम्ही लिंबू आणि दह्याची पद्धत वापरू शकता. तांब्याच्या भांड्यांना चमकदार बनवण्यासाठी चिंच खूप प्रभावी आहे. एक चिंच पाण्यात भिजवून तिचा गर काढा, तो लगद्याप्रमाणे संपूर्ण भांड्यावर लावा आणि 5 मिनिटं तसाच राहू द्या. त्यानंतर, स्क्रबरने धुऊन कोरडे पुसून घ्या.

चांदीची भांडी कशी स्वच्छ करावी

चांदीची भांडी स्वच्छ करण्यासाठी, प्रथम पाणी गरम करा. नंतर, एका मोठ्या भांड्यात ॲल्युमिनियम फॉइल पसरवा. पाण्यात बेकिंग सोडा आणि मीठ मिसळा. चांदीची भांडी पाण्यात ठेवा आणि किमान 20 मिनिटं भिजत ठेवा. या काळात, सर्व काळपटपणा निघून जाईल. आता, मऊ ब्रश किंवा स्क्रबरने ते घासून स्वच्छ करा. या पद्धतीने तुम्ही चांदीचे दागिने देखील स्वच्छ करू शकता.

टोमॅटोचाही वापर करता येतो

जर तुमच्याकडे हे सर्व साहित्य नसेल, तर तुम्ही भांडी स्वच्छ करण्यासाठी टोमॅटोचा रस देखील वापरू शकता. मात्र, तो कमी आम्लधर्मी असल्यामुळे तुम्हाला कमी मेहनत करावी लागेल. तुम्ही भांडी स्वच्छ करण्यासाठी व्हिनेगर आणि सैंधव मीठ देखील वापरू शकता.