Skin Care | तुम्हीही चेहऱ्यावर साबण लावण्याची चूक करताय? वाचा याचे दुष्परिणाम…

बदामाचा फेसपॅक

मुंबई : आपण बाहेरून फिरून येतो, तेव्हा आपल्या त्वचेवर धुळीचा थर जमा होते. अशावेळी पहिला चेहरा धुणे आवश्यक असते. अन्यथा चेहऱ्यावर मुरूमं, डाग अशा समस्या उद्भवतात. चेहरा स्वच्छ करण्यासाठी लोक बर्‍याचदा आंघोळीसाठी वापरला जाणारा साबणच वापरतात. आपण देखील असेच करत असाल तर थांबा, आतापासून हा साबण चेहऱ्यावर वापरू नका. वास्तविक, चेहऱ्याची त्वचा खूप मऊ असते. साबण शरीराचे उर्वरित भाग स्वच्छ करण्यासाठी उत्तम कार्य करतो. परंतु, चेहर्‍याची त्वचा नाजूक असल्याने, साबणामुळे ती कोरडी आणि निर्जीव बनवते. चेहऱ्यावर साबण लावण्याने काय-काय नुकसान होते, ते जाणून घेऊया…(Skin Care tips for face beauty don’t use soap on face)

PH पातळी असंतुलित होण्याचा धोका

चेहर्‍याची त्वचा शरीरापेक्षा मऊ असते, तर साबणाची प्रकृति क्षारयुक्त असते. अशा परिस्थितीत जर आपण दररोज आपल्या चेहऱ्यावर क्षारीय प्रकृतीचा साबण लावला, तर त्वचेच्या पीएच पातळीमध्ये असंतुलन निर्माण होण्याचा धोका असतो. ज्यामुळे त्वचेचे बरेच नुकसान होऊ शकते. चेहऱ्यावर साबणाचा वापर हा डिटर्जंटच्या वापरासारखाच आहे.

त्वचा कोरडी आणि निर्जीव बनते.

साबण अल्कधर्मी आहे आणि त्यात बरीच रसायने असतात. म्हणून साबणाच्या नियमित वापरामुळे, चेहऱ्याचे नैसर्गिक तेल हळूहळू नाहीसे होऊ लागते आणि त्यामुळे त्वचा कोरडी आणि निर्जीव दिसू लागते. यामुळे बर्‍याच चेहऱ्यावर अकाली वृद्धत्व आणि सुरकुत्या दिसू लागतात (Skin Care tips for face beauty don’t use soap on face).

चेहरा स्वच्छ करण्यासाठी काय वापराल?

त्वचेशी संबंधित कोणत्याही समस्येचे निराकरण करण्यासाठी जेव्हा आपण एखाद्या सौंदर्यतज्ज्ञाला भेटता तेव्हा ते आपल्याला नेहमी साबणाऐवजी फेसवॉश वापरण्याचा सल्ला देतात. कारण फेसवॉश चेहऱ्याच्या त्वचेचा पोत लक्षात ठेवून खास बनवला जातो. याशिवाय चेहऱ्याचे सौंदर्य जपण्यासाठी आपण आयुर्वेदिक व खास औषधी वनस्पतींपासून बनवलेले साबण वापरू शकता.

सर्वोत्तम नैसर्गिक उपाय

जर आपल्याला खरोखर आपल्या चेहऱ्याची त्वचा चिरंतन काळासाठी निरोगी ठेवायची असेल, तर नैसर्गिक उपायापेक्षा अधिक उत्तम काहीही नाही. कारण फेस वॉश किंवा काही साबणांमध्ये वापरली जाणारी रसायने त्वचेचे नुकसान करू शकतात. परंतु, नैसर्गिक गोष्टींद्वारे आपला चेहरा सुरक्षित आणि त्वचा निरोगी राहते. नैसर्गिक घटकांमुळे चेहर्‍याला आवश्यक ते पोषण मिळते. ज्यामुळे चेहर्‍याची चमक वाढते आणि त्वचा बर्‍याच काळासाठी चमकदार राहते. चेहऱ्याचे सौंदर्य टिकवून ठेवण्यासाठी तुम्ही कच्चे दूध, मसूर डाळीचा फेस पॅक, बेसन पीठाची पेस्ट, कोरफड जेल, मलई-बेसन फेस पॅक वापरू शकता.

(टीप : उपचारांपूर्वी डॉक्टरांचा सल्ला अवश्य घ्यावा.)

(Skin Care tips for face beauty don’t use soap on face)

हेही वाचा :