ना पैसे, ना डिनर डेट; मुलींना इम्प्रेस करण्यासाठी फक्त 5 बदल करा, एका मिनिटात मिळेल होकार

impress girl

हल्लीच्या काळात प्रत्येक तरुण आणि तरुणी हे त्यांच्या आवडत्या व्यक्तीला इम्प्रेस करण्यासाठी अनेक गोष्टी करतात. काही वेळा बहुतांश तरुण उत्तम व्यक्तिमत्त्व असूनही केवळ त्यांच्या स्टाईलमुळे मागे पडतात. पण मग अशावेळी नेमकं काय करायचं हे सूचत नाही. यासाठी या टिप्स उपयुक्त ठरतात. जर तुम्हाला एखाद्या मुलीला इम्प्रेस करायचे असेल तर कायम एक गोष्ट लक्षात ठेवा. मुली या सर्वात आधी व्हिज्युअल ॲपील'(Visual Appeal) म्हणजेच तुमच्या दिसण्याकडे आकर्षित होतात. त्यामुळे जर तुमची फॅशन स्टाईल उत्तम असेल तर एखादी मुलगी कधी तुमच्या प्रेमात पडेल, हे तुम्हालाही कळणार नाही.

आज आम्ही तुम्हाला तुमचे फॅशन स्टँडर्ड सुधारण्यासाठी काही खास सीक्रेट सांगणार आहोत. जर तुम्हालाही तुमचा लूक आकर्षक करायचा असेल तर कसे तयार व्हावे आणि काय करावे याबद्दल आज सविस्तर जाणून घेऊया.

• योग्य फिटिंगचे कपडे निवडा

चुकीच्या फिटिंगचे कपडे तुमचा एकूण लूक खराब करू शकतात. याउलट, चांगले डिझाइन केलेले आणि तुमच्या शरीराला परफेक्ट बसणारे कपडे तुमचे नैसर्गिक व्यक्तिमत्व अधिक खुलवतात. तुमचे शर्ट, जीन्स आणि पॅन्ट आरामदायक आणि योग्य फिटिंगचे असल्याची खात्री करा. यामुळे तुम्हाला एक नवा लूक मिळतो.

• प्रसंगानुसार कपडे घाला

वेळेनुसार आणि प्रसंगानुसार कपड्यांची निवड करणे महत्त्वाचे आहे. जर तुम्ही कॅज्युअल फिरण्यासाठी जात असाल तर एखादा छान टी-शर्ट किंवा पोलो शर्ट परिधान करु शकता. जर तुम्ही एखाद्या औपचारिक कार्यक्रमांसाठी जाणार असाल तर मग छान फॉर्मल सूट, त्यावर लेदर शूज घालू शकता.

• कमीत कमी ॲक्सेसरीज वापरा

ॲक्सेसरीज जास्त प्रमाणात वापरण्याऐवजी, त्या कमीत कमी आणि सुंदर ठेवा. एक नाजूक नेकलेस, ब्रेसलेट किंवा सुंदर घड्याळ तुमच्या पोशाखाला एक वेगळेपण देऊ शकते. तुमच्या ॲक्सेसरीज तुमच्या एकूण लूक आणखी आकर्षक दिसतो.

• स्वच्छता आणि हेअरस्टाईलकडे लक्ष द्या

मुलींवर सकारात्मक छाप पाडण्यासाठी स्वच्छ कपडे, नियमित केस कापणे आणि उत्तम स्वच्छता राखणे आवश्यक असते. केस स्वच्छ ठेवा आणि तसेच नीट स्टाईल करा. बाहेर फिरायला जाताना सौम्य सुगंधाचा परफ्यूम वापरा. ज्यामुळे तुमच्या व्यक्तिमत्व सुधारु शकते.

• आत्मविश्वास सर्वात महत्त्वाचा

कोणताही पोशाख तेव्हाच आकर्षक दिसतो जेव्हा तुम्ही तो आत्मविश्वासाने परिधान करता. त्यामुळे तुम्ही नेहमी ताठ उभे राहा, चेहऱ्यावर हलकं हसू ठेवा आणि वागण्याबोलण्यात आत्मविश्वास ठेवा. आत्मविश्वास हा असा गुण आहे, जो कोणत्याही लूकला अधिक खास बनवतो.