अभिजीत दिपके यांनी वाटला चहा, ट्रोलर्स पडले तुटून, थेट म्हटले, हा तर..

अमेरिकेतून भारतात येत अभिजीत दिपके यांनी मोठा धमाका दिला. थेट जंतर मंतरवर आंदोलन केले. या आंदोलनाला मोठा प्रतिसाद मिळाला. देशभरात हे आंदोलन गाजले. जंतर मंतरवर विद्यार्थी मोठ्या संख्येने जमले. फक्त जंतर मंतरवरच नाही तर या आंदोलनाची धग देशातील अनेक शहरांपर्यंत पोहोचली. धर्मेंद्र प्रधान यांच्या राजीनाम्यासाठी हे आंदोलन सुरू होते. सरकारकडून धर्मेंद्र प्रधान यांचा राजीनामा घेतला जात नव्हता. मात्र, शेवटपर्यंत कॉकरोच जनता पार्टीने हार मानली नाही, ते आपल्या मागणीवर ठाम राहिले. अखेर सरकारने कॉकरोच जनता पार्टीच्या आंदोलनानंतर धर्मेंद्र प्रधान यांचा राजीनामा घेतला. देशभरात विद्यार्थी धर्मेंद्र प्रधान यांच्या राजीनाम्यासाठी रस्त्यावर उतरले होते. अभिजीत दिपके यांच्या पार्टीला मोठे यश मिळाले. आता कॉकरोच जनता पार्टीची महत्वाची बैठक छत्रपती संभाजीनगर येथे सुरू आहे.

कॉकरोच जनता पार्टीचे महत्वाचे सदस्य या बैठकीसाठी दाखल झालेत. याच बैठकीत पक्षाची पूर्व दिशा ठरणार आहे. संघटना कशी वाढवायची, यावर काम केले जाईल. कॉकरोच जनता पार्टीची बैठक ही अभिजीत दिपके यांच्या घरीच होत आहे. या बैठकीनिमित्त अभिजीत दिपके यांच्या घराबाहेर मोठी गर्दी झाली. सकाळीच अभिजीत दिपके यांनी मिडियासोबत संवाद साधला.

यादरम्यानच अभिजीत दिपके यांचा व्हिडीओ व्हायरल होत आहे. अभिजीत दिपके यांची एक दुसरी बाजू पुढे आली. मात्र, अभिजीत दिपके यांना खडेबोल सुनावले जात आहेत. स्वत: अभिजीत दिपके आपल्या घराबाहेर उभ्या असलेल्या लोकांना आणि पत्रकारांसोबतच कॅमेरामन चहा देताना दिसत आहे. स्वत: अभिजीत दिपके प्लेटमध्ये चहाचे कप घेऊन आले.

अभिजीत दिपके यांचा निवासस्थानाबाहेरचा खास व्हिडीओ पुढे, स्वत: अभिजीत दिपके यांनी वाटला चहा pic.twitter.com/EDWyrQV1lK

— TV9 Marathi (@TV9Marathi) August 5, 2026

पण हा एक पब्लिसीटी स्टंट असल्याचे अनेकांनी म्हटले. अभिजीत दिपके यांच्या या व्हिडीओवर ट्रोलर्स  तुटून पडले असून त्यांना खडेबोल सुनावले जात आहेत. अभिजीत दिपके जेव्हापासून छत्रपती संभाजीनगरमध्ये दाखल झाले, तेव्हापासून त्यांच्या घरी येणाऱ्या जाणाऱ्यांची संख्या वाढली आहे. सतत लोक भेटीसाठी येत आहेत.