एक कुत्रं मुंबईत “निलेशचंद्र” या नावाने मोकाट… ठाकरेंच्या शिलेदाराचा जोरदार हल्लाबोल; ट्विटवरील फोटोने खळबळ

अयोध्येतील राम मंदिरातील दानपेटीतील चोरी झाल्याचे समोर आले आहे. यावंतर ठाकरे गटाने आक्रमक पवित्रा घेतला आहे. उद्धव ठाकरेंकडून अनेक ठिकाणी आंदोलन केले जात आहे. भाजपचे नेते ठाकरेंच्या या आंदोलनावर टीका करत आहेत. जैन मुनी निलेशचंद्र यांनीदेखील ठाकरेंना डिवचलं होतं. याला आता ठाकरे गटाकडून उत्तर देण्यात आले आहे. अखिल चित्रे यांनी ट्विटरवर एक फोटो पोस्ट करत निलेशचंद्र यांच्यावर सडकून टीका केली आहे.

काय म्हणाले होते जैन मुनी निलेशचंद्र?

जैन मुनी निलेशचंद्र यांनी उद्धव ठाकरे यांच्या रामरक्षा आंदोलनावर बोलताना म्हटले होते की, ‘उद्धव ठाकरे यांना ज्यावेळी हनुमान चालीसा वाचण्याची आवश्यता होती, त्यावेळी त्यांनी नवनीत राणा यांना 14 दिवस तुरुंगात धाडलं. त्यांना आंदोलनात धड वाचता देखील येत नाही. खरंतर त्यांनी कुराण पठण केलं पाहिजे. राम रक्षा त्यांच्या गरजेची नसून त्यांना श्राप लागलाय. आता त्यांना शुद्धीकरणाची गरज आहे. आम्ही राम मंदिरातील चोरी पाहून घेऊ. आमच्या बाबी आम्ही बघून घेऊ. तुम्ही तुमचं पाहा. खरंतर श्रीरामाला धन आणि वैभवाची आवश्यकता लागत नाही.’

अखिल चित्रे यांचे ट्विट

जैन मुनी निलेशचंद्र यांच्या या विधानावर बोलताना ठाकरेंच्या शिवसेनेचे अखिल चित्रे यांनी म्हटले की, ‘ज्या कुत्र्यांनी चढावा चोरी होत असताना भुंकायला पाहिजे होतं, ते आता चोरी पकडल्यानंतर का भुंकत आहेत? याचा अर्थ इतकाच की, चढावा चोरीत फक्त ट्रस्टीच नव्हे, तर त्यांना पाठीशी घालणारी काही कुत्रीही सहभागी होती. त्यातलं एक कुत्रं मुंबईत “निलेशचंद्र” या नावाने मोकाट फिरत आहे. पवित्र धर्माच्या आड लपून स्वतःला वाचवण्याचा प्रयत्न करत आहे. लय पिसाळलंय!

ज्या कुत्र्यांनी चढावा चोरी होत असताना भुंकायला पाहिजे होतं, ते आता चोरी पकडल्यानंतर का भुंकत आहेत?
याचा अर्थ इतकाच की, चढावा चोरीत फक्त ट्रस्टीच नव्हे, तर त्यांना पाठीशी घालणारी काही कुत्रीही सहभागी होती. त्यातलं एक कुत्रं मुंबईत “निलेशचंद्र” या नावाने मोकाट फिरत आहे. पवित्र… pic.twitter.com/ux0ZCXpxUB

— Akhil Chitre अखिल चित्रे (@akhil1485) July 18, 2026

पुढे BMC ला टॅग करत अखिल चित्रे यांनी म्हटले की, याचा फोटो पाठवत आहे. वेळीच याच्या मुसक्या आवळा. पिसाळलेला निलेशचंद्र. आणि हो… राम मंदिरासाठी रस्त्यावर उतरून लढणाऱ्या शिवसैनिकांचीच आम्ही लेकरं आहोत. आम्ही राम मंदिरातील दरोडेखोरीविरुद्ध आवाज उठवत आहोत. त्या आवाजाचा त्रास त्यांनाच होतोय, ज्यांना या दरोडेखोरीला पाठीशी घालायचं आहे.