25 सेकंदांचा थरार, 18 वर्षांचा तरुण चेंबरमध्ये पडला, पुढे काय घडलं ?

आज झालेल्या मुसळधार पावसात तुडुंब भरलेल्या चेंबरमध्ये एक तरुण पडल्याची घटना घडली. (aurangabad boy fallen in drainage chamber)

Reporter Datta Kanwate | Edited By: Prajwal Dhage | Updated on: Jun 07, 2021 | 11:13 PM

औरंगाबाद : राज्यात सध्या अनेक ठिकाणी पाऊस कोसळतो आहे. औरंगाबादेतही (Aurangabad) मागील आठ दिवसांपासून पावसाच्या सरी बरसत आहेत. मात्र, आज झालेल्या मुसळधार पावसात (heavy rain) तुडुंब भरलेल्या चेंबरमध्ये एक तरुण पडल्याची घटना घडली. नशीब बलवत्तर म्हणून हा तरुण चेंबरमध्ये वाहत जाऊन दुसऱ्या चेंबरमधून सुखरुप बाहेर निघाला. शहरातील जय भवानी नगरतील ही घटना असून चेंबरमध्ये पडलेल्या तरुणाचे नाव मोरेश सुळ असे आहे. (Eighteen year boy fallen in drainage chamber in Aurangabad amid heavy rain)

नेमकं काय घडलं ?

सध्या मराठवाड्यात अनेक ठिकाणी मुसळधार पाऊस पडतोय. औरंगाबादेतही मागील काही दिवसांपासून ढगाळ वातावरण असून विजांच्या कडकडाटासह पाऊस होतोय. आज औरंगाबाद शहरात मुसळधार पाऊस झाला. या पावसामुळे रस्त्याला नदीचे स्वरूप आले होते. याच वेळी एक भीषण घटना घडली. औरंगाबाद शहरीतल जय भवानीगर येथे एक 18 वर्षीय मोरेश सुळ नावाचा तरुण वाहत्या पाण्यातून चालत होता. यावेळी समोरचे न दिसल्यामुळे तो थेट चेंबरमध्ये पडला. बघता बघता अवघ्या 25 सेकंदात तो तब्बल 20 फूट वाहवत गेला. मात्र चेंबरमध्ये वाहत जाताना तो दुसऱ्या चेंबरपर्यंत पोहोचला. त्यानंतर नशीब बलवत्तर म्हणून तो योग्य वेळ ओळखून दुसऱ्या चेंबरमधून बाहेर येण्यात यशस्वी ठरला.

25 सेंकदांचा थरार

फक्त 25 सेकंदाचा हा थरारक प्रकार घडल्यामुळे येथे काही काळासाठी तणावाचे वातावरण निर्माण झाले होते. पण तरुण सुखरुप वाचल्यामुळे सर्वांनी सुटकेचे निश्वास सोडला.

मागील आठ दिवसांपासून रोज पाऊस

दरम्यान औरंगाबाद शहरात मागील आठ दिवसांपासून रोज पाऊस बरसतोय. आजही शहरात धुंवाधार पाऊस झाला. तब्बल अर्धा तास पासवाने येथे जोरदार बॅटिंग केली. औरंगाबाद शहरासह जिल्ह्यात इतरही ठिकाणी पाऊस पडला.

रेशनकार्डशिवाय 5 किलो गहू आणि तांदूळ मोफत कसे मिळवायचे, जाणून घ्या…#PMGaribKalyanAnnYojana #PMModi #PradhanMantriGaribKalyanAnnaYojana https://t.co/0gWWATI2Dk

— TV9 Marathi (@TV9Marathi) June 7, 2021