बीडमध्ये भीषण अपघात, कंटेनरनं आठ ते दहा वाहनांना चिरडलं
मोठी बातमी समोर आली आहे, बीडच्या केजमध्ये भीषण अपघात झाला आहे. भरधाव कंटेनरनं आठ ते दहा वाहनांना चिरडलं, या घटनेत एका महिलेचा मृत्यू झाला असून, अनेक जण जखमी झाले आहेत.
बीडमधून एक धक्कादायक बातमी समोर आली आहे, भीषण अपघाताची घटना घडली आहे. भरधाव वेगातील कंटेनरने आठ ते दहा वाहनांना धडक दिली, या अपघातामध्ये एक महिलेचा मृत्यू झाला असून, 15 जण जखमी झाले आहेत. ही घटना बीड जिल्ह्यातल्या केजमध्ये घडली आहे. या घटनेनंतर जमाव चांगलाच संतप्त झाला, संतप्त जमावाकडून कंटेनरला आग लावण्यात आली आहे. या घटनेमध्ये कंटेनर जळून खाक झाला आहे. घटनेची माहिती मिळताच पोलिसांनी तातडीनं घटनास्थळी धाव घेतली, कंटेनर चालकाविरोधात गुन्हा दाखल करण्याची प्रक्रिया सुरू आहे.
घटनेबाबत अधिक माहिती अशी की, बीडच्या केज शहरामध्ये भरधाव वेगातील कंटेनर चालकाने तब्बल आठ ते दहा गाड्यांना धडक दिली. या अपघातामध्ये एक महिला ठार झाली असून, 15 जण जखमी झाल्याची माहिती आहे. या अपघातामध्ये वाहनांचं देखील मोठं नुकसान झालं आहे.
कंटेनर चालकानं आठ ते दहा वाहनांना धडक दिली, या अपघातानंतर कंटेनर चालकानं कंटेनरसह पळून जाण्याचा प्रयत्न केला. कंटेनर केजहून पुढे अंबाजोगाईकडे निघाला. मात्र पोलिसांनी तातडीने कारवाई करत हा कंटेनर ताब्यात घेतला आहे. या अपघातामध्ये एका महिलेचा मृत्यू झाला असून, 15 जण जखमी झाले आहेत. जखमींना स्थानिकांच्या मदतीने उपचारासाठी केज येथील उपजिल्हा रुग्णालयात दाखल करण्यात आलं आहे.
वाहनांचं नुकसान
हा अपघात एवढा भीषण होता की, कंटेनरनं आठ ते दहा वाहनांना धडक दिली, या अपघातामध्ये या वाहनांंचं प्रचंड नुकसान झालं आहे. हा अपघात नेमका काशामुळे झाला याचं कारण अद्याप अस्पष्ट आहे, मात्र भरधाव कंटेनरवरील नियंत्रण सुटून हा अपघात झाला असावा असा अंदाज व्यक्त करण्यात येत आहे.
कंटेनरला लावली आग
भरधाव कंटेनरनं आठ ते दहा वाहनांना उडवलं, या घटनेत एका महिलेचा मृत्यू झाला आहे तसेच अनेक जण जखमी झाले, वाहनांचं देखील मोठं नुकसान झालं. या घटनेनंतर संतप्त जमावानं या कंटेनेरला आग लावली, या घटनेत कंटेनर जळून खाक झाला आहे.
