बुलडाणा : गेल्याच आठवड्यात सीसीटीव्हीत कैद दरोडेखोरांच्या चित्रफितीमुळे संभाजीनगर परिसरात दहशतीचे वातावरण असतानाच सोमवारी पुन्हा एकदा जबरी चोरी (Theft)ची घटना घडली आहे. सोमवारी रात्री 3 वाजता संभाजी नगर भागातील एका घरात जबरी चोरी केली. चोरट्यांनी सुमारे 10 लाख रुपयाचे सोने चांदीचे दागिने (Jewelery) आणि 2 हजार रुपये नगदी ऐवज चोरला. याप्रकरणी स्थानिक पोलिस ठाण्यात चोरीची तक्रार दाखल करण्यात आली असून पोलिस आरोपींचा शोध घेत आहेत. सलग झालेल्या चोरीच्या दोन घटनांमुळे परिसरातील नागरिकांमध्ये भीतीचे वातावरण पसरले आहे. (Robbery in the chikhali in Buldana, cash along with jewelery stolen)
चिखली शहरातील संभाजी नगर भागातील विष्णू बळीराम राऊत यांच्या घरात सोमवारी रात्री 3 वाजण्याच्या सुमारास जबरी चोरी करण्यात आली. यामध्ये वडिलोपार्जित दागदागिन्यांसह सुमारे 10 लाख रुपयांपर्यंतचा ऐवज चोरट्यांनी पळवला असल्याचे समजते. विष्णू राऊत हे घराला बाहेरील बाजूस कुलूप लावून घराच्या छतावर झोपले होते. यादरम्यान रात्री 3 वाजण्याच्या सुमारास अज्ञात चोरट्यांनी घराचे कुलुप तोडून घरात प्रवेश केला. ज्या खोलीत राऊत यांचा मुलगा धनंजय झोपलेला होता त्याच्या पायाकडील बाजूच्या कपाटाची तोडफोड करीत चोरट्यांनी सुमारे सोने चांदीचे दागिने आणि 2 हजार रुपये नगदी स्वरूपाचा ऐवज चोरला. याप्रकरणी स्थानिक पोलिस ठाण्यात चोरीची तक्रार दाखल करण्यात आली आहे. या घटनेमुळे परिसरातील नागरिकांमध्ये दहशत पसरली आहे. (Robbery in the chikhali in Buldana, cash along with jewelery stolen)