आंबेगावमध्ये ऊसाच्या फडात दोन पिल्लांसह बिबट्या आढळल्याने नागरिकांमध्ये दहशत

एक मादी व नर असे दोन बछडे ताब्यात घेतले असून उसाच्या शेतातुन मोठी बिबट मादी पळून गेली आहे. त्यामुळे वनविभागाने तात्काळ पिंजरा लावावा, अशी मागणी स्थानिक ग्रामस्त करत आहे. दरम्यान दिवसा बिबट्यांची पिल्ल मिळाल्याने ते पाहण्यासाठी ग्रामस्थांची मोठी गर्दी झाली होती. या परिसरात बिबट्यांचा मुक्त संचार सुरु असल्याने ग्रामस्थां मध्ये घबराट पसरली आहे.

Leopard

टीव्ही 9 मराठी डिजीटल टीम | Updated on: Nov 25, 2021 | 1:50 PM

पुणे – जिल्ह्यातील ऊस शेतीसाठी प्रगत बागायती भाग म्हणून आंबेगाव, मंचर हा या परिसर ओळखला जातो. मात्र याच भागातील नागरिक मागील काही काळापासून भीतीच्या छत्रछायेखाली जगत आहे. ऊस शेतीमुळं या भागात बिबट्याचा वावर वाढला आहे. अशातच बेल्हवरे वस्तीत उसाच्या शेतात ऊस तोडणी सुरू असताना एक बिबट मादी व तीची दोन पिल्ले ( बछडे ) अचानक आढळून आले आहेत.

पिंजरा लावण्याची मागणी वनविभागाला कळताच तातडीने, वनपाल यांनी आपल्या सहकारी कर्मचाऱ्यांच्या सोबत घटनास्थळी दाखल झाले. एक मादी व नर असे दोन बछडे ताब्यात घेतले असून उसाच्या शेतातुन मोठी बिबट मादी पळून गेली आहे. त्यामुळे वनविभागाने तात्काळ पिंजरा लावावा, अशी मागणी स्थानिक ग्रामस्त करत आहे. दरम्यान दिवसा बिबट्यांची पिल्ल मिळाल्याने ते पाहण्यासाठी ग्रामस्थांची मोठी गर्दी झाली होती. या परिसरात बिबट्यांचा मुक्त संचार सुरु असल्याने ग्रामस्थां मध्ये घबराट पसरली आहे.

दुसरीकडे आंबेगावतील हिंगेमला परिसरत गेल्या काही दिवसांपासून दहशत माजवणाऱ्या बिबट्याला जेरबंद करण्यात वनविभाला यश आले आहे. बिबट्याला जेरबंद केल्यामुळं नागरिकांना मोठा दिलासा मिळाला आहे. मागील काही महिन्यांपासून बिबट्याने शेतकऱ्यांच्या पाळीव प्राण्यांवर हल्ला करत फस्त केले होते. जेरबंद बिबट्याला जुन्नरमधील माणिकडोह बिबट निवारण केंद्रात तपासणीसाठी पाठवण्यात आले.