Kalyan Gramin Assembly Constituency: मनसेचे राजू पाटील यांना कोण देणार तगडं आव्हान

कल्याण ग्रामीण विधानसभा मतदारसंघाला मनसेचे एकमेव आमदार राजू पाटील यांच्यामुळे वेगळेच महत्व आलंय. शिवसेना ठाकरे गटाने त्यांच्या विरोधात तोडीस तोड असे माजी आमदार सुभाष भोईर यांना रिंगणात उतरवलंय. सध्या तरी शिवसेना ठाकरे गटाचे सुभाष भोईर आणि मनसेचे राजू पाटील यांच्यातच थेट लढत असल्याचं बोललं जातंय. भूमीपुत्रांची मते यामध्ये निर्णयाक ठरणार आहेत. कल्याण ग्रामीणमध्ये शिवसेनेचा एक मजबूत असता वर्ग आहे. पण शिवसेनेत फूट पडल्यानंतर मते विभागली गेली आहेत.

शिवसेना शिंदे गटाकडून राजेश मोरे हे निवडणूक लढवत आहेत. ठाकरे गटाला देखील शिंदे गटाकडून कोणाला उमेदवारी दिली जाते याची उत्सुकता होती.

2019 च्या विधानसभा निवडणुकीत मनसेचे प्रमोद (राजू) रतन पाटील यांना 93,927 मते मिळाली होती. त्यांनी शिवसेनेचे रमेश म्हात्रे यांना पराभूत केले होते. राजू पाटील यांचा 7,154 मतांनी विजय झाला होता.

2014 च्या विधानसभा निवडणुकीत शिवसेनेने सुभाष भोईर यांना उमेदवारी दिली होती. त्यांना 84,110 मते मिळाली होती. त्यांनी मनसेचे रमेश रतन पाटील यांना पराभूत केले होते. सुभाष भोईर यांचा 44,212 मतांनी विजय झाला होता.

2009 मध्ये मनसेचे रमेश रतन पाटील यांनी विजय मिळवला होता. त्यांना 51,149 मते मिळाली होती. तर दुसऱ्या क्रमांकावर शिवसेनेचे रमेश म्हात्रे होते. त्यांना 41,642 मते मिळाली होती.

विधानसभा निवडणुकीसाठी २० नोव्हेंबर रोजी मतदान होणार असून २३ नोव्हेंबर रोजी निकाल जाहीर होणार आहे.