Nagar Gram Panchayat Election Results 2021: गड आला पण सिंह गेला; राहता तालुक्यात विखेंचाच बोलबाला
भाजप आमदार राधाकृष्ण विखे-पाटील यांनी राहता तालुक्यातील 25 पैकी 24 ग्रामपंचयातीवर वर्चस्व कायम ठेवलं आहे. (Maharashtra Gram Panchayat Election Results 2021: radhakrishna vikhe patil won 24 gram panchayat)
शिर्डी: भाजप आमदार राधाकृष्ण विखे-पाटील यांनी राहता तालुक्यातील 25 पैकी 24 ग्रामपंचयातीवर वर्चस्व कायम ठेवलं आहे. मात्र, त्यांचं गाव असलेल्या लोणी खुर्द ग्रामपंचायतीची सत्ता त्यांना गमवावी लागली आहे. त्यामुळे गड आला पण सिंह गेला, अशी अवस्था विखे-पाटील यांची झाली आहे. (Maharashtra Gram Panchayat Election Results 2021: radhakrishna vikhe patil won 24 gram panchayat)
आमदार राधाकृष्ण विखे-पाटलांनी राहता तालुक्यात ग्रामपंचायत निवडणुकीसाठी चांगला जोर लावला होता. अचूक नियोजनाच्या बळावर त्यांना राहता तालुक्यातील सत्ता खेचून आणण्यात यश आलं. तालुक्यातील 25 पैकी 24 ग्रामपंचायती जिंकण्यात विखेंना यश आलं आहे. विखे गटांचा या पंचायतींवर दणदणीत विजय झाला आहे. फक्त एकाच ग्रामपंचायतीत विखे पाटील गटांचा पराभव झाला आहे. तो म्हणजे लोणी खुर्द या त्यांच्या गावात.
20 वर्षांची सत्ता गमावली
या गावातील ग्रामपंचायतीवर गेल्या 20 वर्षांपासून विखे-पाटलांची सत्ता होती. मात्र, या ग्रामपंचायतीच्या 17 पैकी 13 जागा जिंकून परिवर्तन पॅनलने विखे-पाटलांना धोबीपछाड केलं आहे. राधाकृष्ण विखे-पाटील स्वत: भाजपचे आमदार आहेत. त्यांचे चिरंजीव सुजय विखे-पाटील हे खासदार आहेत. असं असतानाही विखे-पाटलांना स्वत:च्या गावातच पराभव पत्करावा लागल्याने आश्चर्य व्यक्त केलं जात आहे. दरम्यान, राहता येथील मतमोजणीची प्रक्रिया संपली आहे.
राणेंनाही धक्का
भाजपला आणि आमदार नितेश राणेंना सिंधुदुर्ग जिल्ह्यात पहिला धक्का बसला आहे. कणकवली तालुक्यातील भिरंवडे ग्रामपंचायतचा पहिला निकाल हाती आला आहे. भिरवंडे ग्रामपंचायतीत 7 पैकी 4 जागा बिनविरोध निवडून आणण्यात शिवसेनेला यश आले आहे. त्याशिवाय कणकवली तालुक्यातील एकूण तीन ग्रामपंचायतींपैकी दोन शिवसेनेकडे तर एक भाजपकडे गेली आहे. तालुक्यातील भिरवंडे व गांधीनगर ग्रामपंचायत शिवसेनेकडे तर तोंडवली-बावशी ग्रामपंचायत भाजपकडे आली आहे. कणकवली हा नितेश राणेंचा मतदारसंघ असून राणेंसाठी हा मोठा धक्का असल्याचं मानलं जात आहे. (Maharashtra Gram Panchayat Election Results 2021: radhakrishna vikhe patil won 24 gram panchayat)
#गुलालकुणाचा – रत्नागिरीत 360 ग्रामपंचायतींसाठी मतदान, आमदार भास्कर जाधव, योगेश कदम यांची प्रतिष्ठा पणाला, दहा वाजता मतमोजणी सुरु होणार, ग्रामपंचायत निवडणुकांचा वेगवान निकाल, सर्वात आधी टीव्ही 9 मराठीवर https://t.co/atVRNYvTQS #GramPanchayatElectionResults pic.twitter.com/85zKJpmtgA
— TV9 Marathi (@TV9Marathi) January 18, 2021
संबंधित बातम्या:
ग्रामपंचायत निकाल 2021 Latest Updates: सत्ताधारी शिवसेनेची राज्यभरात विजयी घौडदौड
(Maharashtra Gram Panchayat Election Results 2021: radhakrishna vikhe patil won 24 gram panchayat)
