Maharashtra News LIVE : तुकाराम मुंडे यांच्या कारवाईने अनेकांनी घेतली मोठी धास्ती

बीडच्या गेवराई तालुक्यातील आहेर वाहेगाव येथील जिल्हा परिषद प्राथमिक शाळेत अज्ञात व्यक्तीने कुलूप तोडून वर्गात प्रवेश केला आणि वर्गातील बेंच, खुर्च्या, खिडक्यांची तोडफोड केली. तर विद्यार्थ्यांचे हजेरी रजिस्टर तसेच परीक्षा पेपर फाडून नष्ट केले आहेत. हा संपूर्ण प्रकार मुख्याध्यापक आणि शिक्षक शाळा सुरू करण्यासाठी आल्यानंतर उघडकीस आला. यापूर्वीही अशाच प्रकारे दोन वेळा शाळेचे कुलूप

तांदूळवाडी येथील अपघातानंतर जालन्याच्या जामवाडी येथील अपघातग्रस्त विहीर पुन्हा एकदा चर्चेत. जालना नागपूर मुख्य महामार्गावर असलेल्या या विहिरीत 2021 मध्ये एका पाठोपाठ 2 कार कोसळल्याची घटना घडली होती. या अपघातामध्ये कार मध्ये असलेल्या 4 जणांचा विहिरीत बुडून मृत्यू झाला,5 वर्षानंतरही अपघात ग्रस्त विहीर बुजवण्याचं प्रशासनाकडून धाडस नाहीच!

दूध संकलन केंद्रावर धाड पडली अशा सोशल मीडियावरील खोट्या अफवांवर विश्वास ठेवू नका दूध संकलन केंद्र चालकांचे शेतकऱ्यांना आवाहन. अन्न व औषध प्रशासनाच्या कारवायामुळे दूध आणि खव्यामध्ये भेसळ करणाऱ्यांचे धंदे झाले बंद. तुकाराम मुंडे यांच्या कारवायामुळे प्रमाणिक दूध उत्पादक शेतकऱ्यांना भाव वाढवून मिळण्याची शक्यता. मार्केटमधील भेसळयुक्त दूध कमी झाल्याने ओरिजनल दुधाचा भाव वाढणार. कळंब येथील मराठवाडा दूध संकलन केंद्रातील एमडी आणि कर्मचाऱ्यांची संवाद

नदीपात्रात झरा छोटा खड्डा खोदून तेथून पाणी काढण्याची गावकऱ्यांवर दुर्दैवी वेळ. मेळघाटातील मोरगड गावात येथे गेल्या ८ दिवसांपासून गावात पिण्याच्या पाण्याचा गंभीर प्रश्न निर्माण झाला आहे. गावातील नागरिकांना पिण्याचे पाणी उपलब्ध होत नसल्यामुळे सुमारे २ किलोमीटर दूर नदीपात्रात झरा (छोटा खड्डा) खोदून तेथून पाणी काढून पिण्यासाठी आणावे लागत आहे. यामुळे महिला, वृद्ध, लहान मुले व नागरिकांना मोठा त्रास सहन करावा लागत असून त्यांच्या आरोग्यावरही विपरीत परिणाम होण्याची शक्यता आहे.

भाजप वॉर्ड अध्यक्ष सूरज प्रतापसिंह देवडा यांच्याविरोधात गंभीर तक्रार. बारमधील तरुणींचे लैंगिक शोषण केल्याचा आरोप. लग्नाचे आमिष दाखवून शारीरिक संबंध ठेवल्याची तक्रार. विवाहित असूनही स्वतःला अविवाहित असल्याचे सांगितल्याचा आरोप. बारमध्ये तरुणीवर 50 हजार रुपयांच्या नोटा उडवल्याचा दावा. पीडितेकडून लाखो रुपये उकळल्याचाही आरोप. गन दाखवून धमक्या दिल्याची तक्रारीत नोंद

प्रतिकूल वातावरणामुळे एकीकडे मान्सूनचा प्रवास गेल्या आठवडाभरापासून कोकणातच रेंगाळ असताना पुण्यात यंदा पूर्व मोसमी पावसाने ही निराशा केली आहे. मान्सूनच्या आगमनाची संकेत घेऊन येणारा हा पाऊस यंदा जूनमध्ये बरसलाच नाही. त्यामुळे भारतीय हवामानशास्त्र विभागाच्या आयएमडी नोंदवही जूनच्या पहिल्या पंधरा दिवसात 0 पावसाची नोंद झाली आहे. यापूर्वी 2014 मध्ये पुण्यातील परिस्थिती नोंदवण्यात आली होती.

पुरंदर येथील प्रस्तावित आंतरराष्ट्रीय विमानतळाचे भूसंपादन आणि मोबदला स्वीकारण्यासाठी जिल्हा प्रशासनाने येत्या 30 जून पर्यंतची मुदत दिली आहे. शेतकऱ्यांच्या मागणीनुसार या प्रक्रियेला मुदतवाढ देण्यात आल्याचे जिल्हा प्रशासनाकडून स्पष्ट करण्यात आले.

पुणे शहर आणि परिसरात पाणी कपातीच्या काळात पिण्याचे पाणी वॉशिंग सेंटर आणि जलतरण तलावांवर वापरता येणार नसून त्याकडे दुर्लक्ष करणाऱ्यांवर कारवाई करण्यात येणार आहे पालिकेच्या पाणीपुरवठा विभागाने हा इशारा दिला दरम्यान शहराला कालपासून दिवसाड पाणीपुरवठा सुरू झाला असून पहिल्या दिवशी पाणी मिळाले नसल्याच्या तक्रारी फारशा आल्या नसल्याचा दावा पालिका प्रशासनाने केला आहे.

कर्मवीर दादासाहेब गायकवाड सभागृह परिसरातील एका ट्रॅव्हल कंपनीच्या गोदामाला भीषण आग लागली आहे, आगीमुळे परिसरात धुराचे मोठे लोट पसरले असून सुदैवाने कोणतीही जीवित हानी नाही. पण नागरिकांमध्ये भीतीचे वातावरण आहे.  अग्निशमन दलाच्या प्रयत्नांमुळे आग नियंत्रणात आली आहे, मात्र  आगीचे नेमके कारण समजू शकलेले नाही

अभिजीत दिपके आज सकाळीच नागपुरात दाखल झाले आहेत.  संविधान चौकात दुपारी ४ वाजता  आंदोलन करण्यात येणार. केंद्रिय शिक्षण मंत्र्यांनी पेपर लीक प्रकरणाची जबाबदारी स्वीकारून राजीनामा देण्याची प्रमुख मागणी असणार. त्यापूर्वी १२ वाजता अभिजीत दिपके यांची  पत्रकार परिषद पार पडणार आहे.

रात्री 1 वाजताच्या सुमारास ही घटना घडल्याची माहिती आहे समोर येत आहे.  भगवान सुभाष गायकवाड (वय 38) असे मृत व्यक्तीचे नाव आहे.  भगवान गायकवाड हे झोपेत असताना त्यांच्या डोक्यावर दगड किंवा लोखंडी रॉडने वार करून त्यांची हत्या करण्यात आल्याचा प्राथमिक अंदाज आहे.घटनेची माहिती मिळताच रिसोड पोलिसांनी घटनास्थळी धाव घेत तपास सुरू केला आहे… मृतदेह शवविच्छेदनासाठी ग्रामीण रुग्णालयात पाठविण्यात आला आहे. या प्रकरणात एका संशयिताला पोलिसांनी ताब्यात घेतले असून पुढील तपास सुरू आहे.

खोळंबलेला मान्सून दोन-चार दिवसात सक्रिय होऊन 20 जून पर्यंत विदर्भ व्यापेल अशी शक्यता व्यक्त केली जात आहे. वर्धा,गोंदिया आणि ब्रह्मपुरी शहर उष्ण लाटेच्या विळख्यात असून सरासरीपेक्षा 4 ते 5 अंश अधिक तापमानाची नोंद करण्यात आली. वर्धक 41.5, गोंदियात 40.4 तर ब्रह्मपुरीत 40.4 अंश तापमानाची नोंद करण्यात आली. 21 जून पर्यंत विदर्भात तुरळक पाऊस आणि वादळी वारे वाहण्याचा अंदाज हवामान विभागाने वर्तवला आहे. विदर्भात साधारणतः 17 जून पर्यंत सक्रिय होणाऱ्या मान्सूनला मात्र यंदा विलंब होत आहे.

भोकरदन तालुक्यातल्या अनवा या गावांमध्ये साडेतीन कोटी रुपयांची जलजीवन मिशनची योजना पूर्ण होताच गावकऱ्यांकडून गावांमध्ये भव्य कलश मिरवणूक काढण्यात आली यावेळी महिलांचाही सहभाग पाहायला मिळाला. जलजीवन मिशनचे पाणी मिळाल्याने गावकऱ्यांनी गावातील मारुती मंदिरात आणि शिव मंदिरात जाऊन अभिषेक केला आहे. मागच्या काही दिवसापासून आन्वा ग्रामस्थांना पाण्यासाठी दूर जावं लागत होतं मात्र अनेक वर्षाची पाणीटंचाईची समस्या संपल्यामुळे गावकऱ्यांमध्ये आनंदाचे वातावरण आहे..

भूमिपुत्रांचा इतिहास पुसण्याचा प्रयत्न खपवून घेणार नाही” असं म्हणत भाजप नगर सेवक मंदार टावरे आक्रमक झाले. अधिकाऱ्यांनी त्रुटी मान्य करत महासभेत दिलगिरी व्यक्त केली. वाढता वाद पाहता महापौर हर्षाली थवील चौधरी यांनी चौकशीसाठी समिती स्थापन करत पुस्तकाचे वितरणही तात्पुरते थांबवण्याचे आदेश दिले .

गोवंडी देवनार परिसरातील रेकॉर्डवरील आरोपी सुमित कांबळे याने सचिन गायवळ याला दोन आयफोन उपलब्ध करून दिल्याची माहिती मिळत आहे. या फोनवर फेस आयडीची व्यवस्था केली होती याद्वारे सचिनने निलेश गायवळ यांच्याशी दोन वेळा संपर्क साधल्याचे समोर आला आहे. सचिन कडून मिळालेल्या माहितीनुसार निलेश गायवळ सध्या लंडनमध्येच असल्याची माहिती आहे.

पालिकेच्या पाच इंग्रजी शाळा आकांक्षा फाउंडेशन ला यापूर्वी नऊ वर्षासाठी देण्यात येणार होता. त्यासाठी जवळपास 110 कोटी रुपये नऊ वर्षासाठी आकांक्षा फाउंडेशन ला महापालिका देणार होती. महापालिकेने निविदा काढल्यानंतर आकांक्षा फाउंडेशनचीच निविदा आल्याने वाद निर्माण झाला होता. महापालिकेकडून आता प्रायोगिक तत्त्वावर तीन वर्षासाठीच आकांक्षा फाउंडेशनला शाळा दिल्या जाणार आहेत इतर संस्थांनी ही सहभाग घेण्याचा आवाहन करण्यात आला आहे. महापालिकेकडून तीन वर्षात प्रतिवर्षी 12 कोटी रुपये आकांक्षा फाउंडेशन ला देण्यात येणार आहेत

पुणे आंतरराष्ट्रीय विमानतळावरील वाहतूक कोंडी रोखण्यासाठी प्रशासनाने कडक पाऊल उचलण्याची तयारी केली आहे. प्रवाशांना सोडण्यासाठी किंवा घेण्यासाठी आलेली वाहने १५ मिनिटांपेक्षा अधिक वेळ पिकअप-ड्रॉप लेनमध्ये उभी राहिल्यास ५०० रुपयांचा दंड आकारण्याचा प्रस्ताव मुख्यालयाकडे पाठवण्यात आला आहे. मंजुरी मिळताच नियम लागू होणार असून, वाढती वाहनांची गर्दी आणि कोंडी कमी करण्याचा उद्देश असल्याची माहिती विमानतळ प्रशासनाने दिली.