मॉर्फ फोटोतील ती तरुणी गिरीश महाजन यांच्या मित्राची मुलगी, अखेर तक्रार पोलिसांकडून..

राज्याचे जलसंपदामंत्री गिरीश महाराज एका तरुणीसोबतच्या व्हायरल फोटोमुळे चर्चेत आहेत. हा फोटो व्हायरल झाल्यानंतर टीका केली जात आहे. मोठी खळबळ उडाली. गिरीश महाजन यांच्यासोबतची ही तरुणी नक्की कोण असा प्रश्न सर्वांना पडला. या फोटोबाबत विविध दावे केले जात आहेत. भाजपाचे संकट मोचक मंत्रीच संकटात सापडले. फोटोशॉपच्या मदतीने गिरीश महाजन यांच्या मित्राच्या मुलीसोबतचा फोटो मॉर्फ करून व्हायरल करण्यात आल्याचा आरोप आहे. सायबर सेलकडून गुन्हाही दाखल करण्यात आला. गिरीश महाजन यांच्यासोबत दिसणारी ही तरुणी महाजनांच्या मित्राची मुलगी आहे. मात्र, हा फोटो मॉर्फ करून व्हायरल करण्यात आला. हा फोटो सोशल मीडियावर काढला, जावा असेही तक्रारीत म्हटले आहे.

मंत्री गिरीश महाजन यांच्या बदनामी प्रकरणी सायबर पोलिसांत गुन्हा दाखल झाला. मंत्री गिरीश महाजन यांचे मॉर्फ केलेले फोटो व्हायरल केल्या प्रकरणी गुन्हा दाखल. नोडल सायबर पोलीस ठाण्यात गुन्हा दाखल करण्यात आला.  जलसंपदा मंत्र्यांचे विशेष कार्य अधिकारी अमोल पाटील यांकडून तक्रार दाखल करण्यात आली. इन्स्टाग्राम व एक्स पोस्ट वरून मॉर्फ केलेले फोटो काढून टाकण्याची मागणी.

मंत्री गिरीश महाजन यांचे फोटो व्हायरल करणाऱ्यांवर कायदेशीर कारवाई करण्याच्या मागणीसाठी भाजप कार्यकर्त्यांची जळगावात पोलीस अधीक्षकांकडे तक्रार दिलीये. फोटो व्हायरल करणाऱ्या इंस्टाग्राम, फेसबुक, तसेच फेसबुक पेज धारकांची सखोल चौकशीची मागणी तक्रारीद्वारे करण्यात आली आहे. भाजपचे पितांबर भावसार तसेच रेखा सुभाष पाटील यांच्यासह कार्यकर्त्यांच्या वतीने पोलीस अधीक्षकांकडे तक्रार.

फोटो व्हायरल करणाऱ्यांची ओळख तसेच तांत्रिक माहिती शोधून काढावी, आणि कायदेशीर कारवाई करण्याची मागणी करण्यात आली आहे .नेत्यांची अशी बदनामी खपवून घेणार नाही, संबंधितांवर कारवाई झाली नाही तर स्त्री शक्ती काय असते ते दाखवून देऊ, संबंधिताना समोर जाऊन चोप देऊ असे रेखा पाटील यांनी म्हटलं आहे. गिरीश महाजन यांच्या व्हायरल झालेल्या फोटोने मोठी खळबळ उडाली. अखेर या प्रकरणात गुन्हा दाखल करण्यात आला.