Monsoon Update: बळीराजासाठी आनंदाची बातमी! यंदा 99% पावसाचा हवामान विभागाचा अंदाज

मुंबई आणि उपनगरात जोरदार पाऊस

Image Credit source: instagram

मुंबई : भारतीय हवामान विभागानं (IMD) पावसाचा यावर्षीचा पहिला अंदाज (Monsoon forcast) वर्तवला आहे. यावर्षी चांगला पाऊस बरसण्याची शक्यता वर्तवण्यात आली आहे. यावर्षी सरासरीच्या 99 टक्के पाऊस बरसणार आहे, असं हवामान विभागानं म्हटलं आहे. हवामान विभागानं वर्तवलेल्या अंदाजामुळे बळीराजाला (Farmers in India) दिलासा मिळण्याची शक्यता आहे. अनियमित पावसामुळे गेलं वर्षभर शेतकऱ्यांचं नुकसान झालंय. अवकाळी पाऊस, कधी वाढलेलं तापमान, कधी गारांचा मार, यामुळे शेतकऱ्याचं अतोनात नुकसान झालेलं आहे. अशातच आता पावसाच्या वर्तवण्यात आलेल्या अंदाजामुळे शेतकऱ्यांऱ्यांच्या जीवात जीव येण्याची शक्यता आहे. दरम्यान, भारतीय हवामान विभागानं वर्तवलेला अंदाज कितपत खरा ठरतो, याबाबही आता चर्चां रंगवल्या गेल्या, तर नवल वाटायला नको!

थोडक्यात पण महत्त्वाचं :

1. देशात यंदा सरासरीइतका पाऊस पडणण्याची शक्यता 40 टक्के आहे
2. सरासरीपेक्षा जास्त पाऊस पडण्याची शक्यता असणारे भाग 15टक्के
3. अतिवृष्टीची शक्यता असलेला प्रदेश 5 टक्के
4. सरासरीपेक्षा कमी पाऊस पडण्याची शक्यता 26टक्के
5. अपुरा पाऊस पडण्याची शक्यता 14 टक्के
6. पावसाळ्याच्या मध्यावधीपर्यंत ला निनाचा प्रभाव राहण्याची शक्यता

स्कायमेटनं वर्तवलेला अंदाज काय होता?

दरम्यान, एप्रिल महिन्याच्या सुरुवातीला स्कायमेटनं वर्तवलेल्या अंदाजानुसार यंदा मान्सून नेहमीप्रमाणेच राहिल, अशी शक्यता वर्तवण्यात आली होती. यंदा जून ते सप्टेंबर या कालावधीत 880.6 मिमी पाऊस पडण्याचा अंदाज वर्तवण्यात आला होता.

दरम्यान, याआधी एप्रिलआधी फेब्रुवारी महिन्यातही स्कायमेटनं वर्तवलेल्या अंदाजानुसार पाऊस सामान्यच राहिल, अशीही शक्यता वर्तवण्यात आली होती. त्यानंतर जारी करण्यात आलेल्या अंदाजातही स्कायमेटनं आपला अंदाज कायम ठेवला आहे.

वाचा हवामान विभागानं वर्तवलेला अंदाज नेमका काय?

इतर बातम्या :

Solapur : अखेर ज्याची भीती तेच घडले, निसर्गाच्या लहरीपणामुळे शेतकऱ्यांचे गणितच बिघडले

 ऊसतोड मजुरांसाठी कायपण! गाळप पूर्ण होण्यासाठी कारखान्याची अनोखी शक्कल