Akshay Shinde : इथं अफजल खानचा मृतदेह दफन झाला; मग आमच्यासाठी ही टाळाटाळ का? अक्षय शिंदे याच्या वकिलांचा सरकारी यंत्रणावर संताप; महाराजांच्या शिकवणीची करून दिली आठवण
Akshay Shinde Last Rituals : या राज्यात छत्रपती शिवाजी महाराजांनी मोठी शिकवण घालून दिली. स्वराज्यावर चालून आलेल्या आणि मारला गेलेल्या अफझल खानाच्या मृतदेहाचा विटंबना झाली नाही, तर त्याला दफनासाठी जागा दिली, मग आमच्यासाठी टाळाटाळ का? असा सवाल अक्षय शिंदे याच्या वकिलांनी विचारला आहे.
बदलापूर येथील एका शाळेत दोन लहान मुलींच्या लैंगिक अत्याचार प्रकरणातील आरोपी अक्षय शिंदे याचा पोलीस एनकाऊंटरमध्ये मृत्यू झाला. या एनकाऊंटरवर राज्यात उलटसूलट चर्चा सुरू आहे. विरोधकांनीच नाही तर न्यायपालिकेने सुद्धा त्यावर प्रश्नचिन्ह उभं केले आहे. हा वाद सुरू असतानाच अक्षय शिंदे याचा मृतदेह दफन करण्यासाठी जागा मिळत नसल्याची बाजू त्याचे वकील अमित कटारनवरे यांनी न्यायालयासमोर मांडली.
कोर्टासमोर मांडली कैफियत
कोर्टामध्ये आज आम्ही मृतदेह दफन करण्यासाठी साठी जागा मिळत नाही यासंदर्भात आम्ही मुद्दा मांडला. यावर कोर्टाने निकाल देताना सांगितलं की,लवकरत लवकर सरकारने मृतदेह दफन करण्यासंदर्भात काम करावं. पण सरकारी अधिकारी आहेत जे की मृतदेह ताब्यात घेण्यासाठी कुटुंबियांना सहकार्य करत नाहीत. साधी स्वाक्षरी देण्यासाठी पण अधिकाऱ्यांना वेळ नाही, अशी बाजू वकील अमित कटारनवरे यांनी मांडली.
महाराजांच्या शिकवणीची करुन दिली आठवण
छत्रपती शिवाजी महाराजांची आपल्यावर शिकवण आहे. जेव्हा अफजल खानचा वध झाला होता तेव्हा त्याचा मृतदेह सुद्धा विधिवत पद्धतीने दफन करण्यात आला. तेव्हा माँ जिजाऊ यांनी शिवबांना सांगितल की वैर अफजल खान याच्याशी होतं. तो आत्ता मेला आहे तर त्याचं शरीर कुत्रा आणि कोल्ह्याने खाल्लेल हे आपल्याला शोभणार नाही. त्यानंतर अफजल खान याचा मृतदेह हा दफन करण्यात आला. त्यामुळे जर आम्हाला टाळाटाळ होत असेल तर प्रत्येक व्यक्तीचा मृतदेहावर व्यवस्थित पद्धतीने अंतिम संस्कार झाले पाहिजे हा कायदा आहे तो आम्ही लागू करून घेऊ. पोस्को गुन्हा हा संसदेत पारित झाला ना मग त्यावर एखाद आरोपी ची सुनावणी ही लवकर झाली पाहिजे ना पण आपल्या इथे कोर्ट,न्यायाधीश यांची कामतरात आहे त्यासंदर्भात सरकार कधी विचार करणार आहे का असा प्रश्न त्यांनी विचारला.
कोर्टाचे आदेश काय ?
पोलिसांनी अक्षय शिंदेचा मृतदेह दफन करण्यासंदर्भात जागा उपलब्ध करुन देणार, असे न्यायालयाने आदेशात स्पष्ट केले. सोमवारपर्यंत मृतदेह दफन करण्याची कारवाई करावी, असे न्यायालयाने स्पष्ट केले आहे. प्रकरणात आता सोमवारी सुनावणी होणार आहे. या दफनविधीच्या कारवाईची माहिती कोर्टात सादर करण्याचे पोलिसांना निर्देश देण्यात आले आहेत.
