मोठी बातमी : कोविन ॲपमधील तांत्रिक दोषामुळे कोरोना लसीकरण 2 दिवस बंद

कोरोना लसीकरण मोहिमेसाठी वापरण्यात येणाऱ्या कोविन नावाच्या ॲपमध्ये तांत्रिक समस्या आल्याने कोरोना लसीकरणाची मोहिम बंद झाली आहे.

  • टीव्ही 9 मराठी डिजीटल टीम
  • Published On - 22:40 PM, 16 Jan 2021
मोठी बातमी : कोविन ॲपमधील तांत्रिक दोषामुळे कोरोना लसीकरण 2 दिवस बंद

मुंबई : कोरोना (कोविड 19) लसीकरण मोहिमेला आज (16 जानेवारी) देशभरात सुरुवात झाली. मात्र, आता या मोहिमेसाठी वापरण्यात येणाऱ्या कोविन नावाच्या ॲपमध्ये तांत्रिक समस्या आल्याने कोरोना लसीकरणाची मोहिम बंद झाली आहे. हा दोष दुरुस्त करण्यासाठी 17 आणि 18 जानेवारी असे 2 दिवस हे लसीकरण बंद राहणार आहे. केंद्र सरकारकडून ही समस्या दूर करण्याचे शर्तीचे प्रयत्न सुरू आहेत (Corona Vaccination stop for 2 days due to technical error in Covin App).

कोविड लसीकरण करत असताना संपूर्णपणे डिजिटल नोंदणी करणे सक्तीचे आहे. आज तांत्रिक अडचण आली असता ऑफलाईन नोंदी करण्यास शासनाने परवानगी दिली होती. मात्र, यापुढील सर्व नोंदी ॲपद्वारेच करण्याचे निर्देश शासनाने दिलेत. ही बाब लक्षात घेता, मुंबईत 17 जानेवारी आणि 18 जानेवारी असे 2 दिवस कोविड 19 लसीकरण स्थगित ठेवण्यात आले. कोविन ॲप पूर्ववत होताच लसीकरण पुन्हा सुरू होणार आहे.

मुंबईत केंद्रनिहाय लसीकरण

आज पहिल्या दिवशी लसीकरणाचा शुभारंभ झाल्यानंतर सर्व केद्रांवर लसीकरणाला सुरुवात झाली. दुपारी उशिरापर्यंत आलेल्या माहितीनुसार, पालिकेच्या 9 तर राज्य सरकारच्या 1 अशा 10 रुग्णालय, कोविड सेंटरमध्ये दिवसभरात 1 हजार 926 कोरोना योद्ध्यांना लसीचे डोस देण्यात आले.

  • केईएम रुग्णालय : 243
  • सायन रुग्णालय : 188
  • नायर रुग्णालय : 190
  • कूपर रुग्णालय : 262
  • वांद्रे, भाभा रुग्णालय : 149
  • व्ही. एन. देसाई रुग्णालय : 80
  • राजावाडी रुग्णालयात : 289
  • डॉ. आंबेडकर रुग्णालय : 266
  • बीकेसी कोविड केंद्र : 220
  • जे. जे. रुग्णालय : 39
  • एकूण : 1,926

हेही वाचा :

लसीकरणामुळे जनजीवन पुन्हा सुरळीत सुरु होईल : प्रविण दरेकर

Corona Vaccination | आजचा क्षण अभिमानाचा आणि आनंदाचा, कोविड टास्क फोर्सचे डॉ. संजय ओक यांची प्रतिक्रिया

प्रत्यक्ष लसीकरणास सुरुवात, पण सामान्यांचा नंबर कधी?; राजेश टोपे म्हणाले…

Corona Vaccination stop for 2 days due to technical error in Covin App